كمال: الرئيس حذر من التشكيك ومتفائل بالخير لمصر

قال الاعلامي أسامة كمال، مقدم برنامج القاهرة 360 عبر فضائية القاهرة والناس، إن الرئيس عبدالفتاح السيسي حذر خلال ذكرى مرور عام على افتتاح قناة السويس الجديدة، من التشكيك فى الإنجازات التى تدشنها الدولة، حيث شدد بضرورة الحفاظ على تسليح القوات المسلحة، لأن المنطقة بتمر بظروف صعبة، مضيفا اليوم كان يوم من أيام الفرحة بالإنجاز اللى تم والإنجازات اللى افتتحها الرئيس السيسى اللى قال إن المصريين عملوا عمل كبير.

وأضاف "كمال" تفاءلوا بالخير تجدوه.. أنا متفاءل بالخير وشايف قدامي الطريق عشان نجده.. مين منكم هيتفاءل معايا بالخير عشان إن شاء الله يجده، مضيفا زي ما قطفنا ثمار الماضي اللي زرعها الأجداد وفرطنا فيها لفترة، بنستعيدها ونزرع غيرها عشان غيرنا يقطف ثمار الخير بكرة.

وأشار إلى أن مصر مش ناس الأنانية صفتهم الرئيسية، مصر ناس عارفة إن الأرض دي زي ما ورثوها اللي جايين هيورثوها ولازم يلاقوا الخير فيها، مؤكدا مصر بلد فيها 91 مليون ويمكن أكتر، فيهم العاطل وفيهم الباطل، لكن أولهم ناس تحطم صخور الجبل وتشق الأرض تطلع خير."