بالمستندات.. مدرسة ببنها تتهم رئيس شركة توشيبا العربى بالنصب عليها

اتهمت مكة عبدالمطلب المحلاوى،مدرسة،بقرية ميت عاصم،التابعة لمركز بنها،المهندس صلاح العربى،المسؤل عن فرع شركة توشيبا العربى بالمنطقة الصناعية بقويسنا،بالنصب عليها،بسبب شراؤها جهازين تكييف بمبلغ 22 الف جنيه وبهم أعطال.

وقالت مكة زوجى اشترى ثلاث أجهزة تكييف وتوفى،بعد ما رجعت شقتى ركبت التكييفات لقيت التبريد ضعيف اتصلت بالشركة وبعتوا فنى وكل اللى عمله فتح التكييف ونظفه بس وقالى شغليه بعد 6 ساعات وبعدها شغلته لقيت مفيش حاجة اتصلت والتبريد لسة ضعيف اتصلت بيهم تانى حد تانى جه شافهم وركب جزء فيهم،وشغلته بعدها لقيت التبريد عالى جدا وبعدها الموتور اتحرق.

وأضافت فى الشركة اقروا أن الفنى اللى صلحه هو اللى حرق الموتور وقالولى هناخدهم ونديكى غيرهم جديد،ومن المفروض انى كنت استلمهم اليوم،واتصلت بيهم فى الشركة كلمنى المهندس المختص وقالى مش هنجيب جديد واعلى ما فى خيلك اركبيه.

وأشارت جابولى وصل أن زوجى استلم منهم التكييف من شهرين وزوجي متوفى من ثلاث سنوات،جئت مقر الشركة علشان أقابل المهندس صلاح العربى رئيس الفرع،رفض يقايلنى،قعدت فى الشركة وقولت مش هخرج إلا لما اقابله ولقيته خارج وقفت أمام سيارته، قال للسواق امشى وكان عاوز يخبطنى.