بالصور.. «تويتر» يحتفل بقرب حلول عيد الأضحى المبارك.. «هتعمل ايه في العيد» يتصدر قائمة الأكثر تداولًا.. «مغردون»: «لن يصيبنا إلا ما كتب الله لنا».. و«ابن مين انت في مصر عشان تعمل حاجه غير النوم»
الجمعة، 02 سبتمبر 2016 02:55 م
دشن رواد موقع التواصل الاجتماعي «تويتر» هاشتاج «هتعمل ايه في عيد الأضحى»، تزامنًا مع قرب حلول العيد، الذي يفصلنا عنه ايام قليلة، وتعم البهجة على ربوع المسلمين، وتصدر الهاشتاج قائمة الأكثر تداولًا.
ورصدت «صوت الأمة» بعض التعليقات التي تداولها النشطاء في تعليقاتهم على الهاشتاج.
وجاء تعليق أحد المغردين، ساخرًا حيث قال «#هتعمل_ايه_في_عيد_الاضحى لن يصيبنا إلا ما كتب الله لنا».
وقال سليم محمود، أحد نشطاء موقع التغريدات، « #هتعمل_ايه_في_عيد_الاضحى بيقولك هيعملوا عندنا color festival والعياز بالله».
وتابع أحد المغردين ساخرًا «ده انا هعمل عمايل اصحى من النوم اضرب كوباية الشاي والبسكويت واروح اصلي وارجع أدخل الأوضة بتاعتي وانام #هتعمل_ايه_في_عيد_الاضحى».
و قالت اميره، إحدى المغردين، بطريقة كوميديه «#هتعمل_ايه_في_عيد_الاضحي ياه حاجات كتير أولًا هنام وبعدين اصحى أكل وأنام وبعدين أصحى أكل وأنام بس كده وهذه قصه حياتي».
وأضاف أحد رواد «تويتر» « اللي بعمله كل عيد.. هنام #هتعمل_ايه_في_عيد_الاضحى».
وتابعت ياسمين أمير، إحدى المغردين « #هتعمل_ايه_في_عيد_الاضحى كان نفسي اعمل حاجه في العيد ده بس للأسف ده هيبقى معاد الشاور بتاعي».
وقال ضياء مختار، أحد نشطاء «موقع التغريدات» ساخرًا « #هتعمل_ايه_في_عيد_الاضحى هو فين عيد الاضحى، ده اللي بعد عيد الفطر، ماشاء الله هو فيه عيد فطر».
وأضافت هناء فهمي، إحدى رواد موقع التواصل الاجتماعي « #هتعمل_ايه_في_عيد_الاضحى ابن مين انت في مصر عشان تعمل حاجه في العيد ما تنام زي باقي الناس».
