بالفيديو.. آراء المواطنون حول طرح وحدات سكنية لـ«محدودي الدخل» بنصف مليون جنيه

أعلنت وزارة الإسكان، عن طرح وحدات سكنية ضمن مشروع الإسكان الاجتماعي بتكلفة تصل لنصف مليون جنيه أو أكثر.

وقال هاني يونس المتحدث باسم الوزارة، إن مساحة الوحدة السكنية الواحدة لمتوسطى الدخل تبدأ من 100 متر إلى 150، وسعر المتر 4200 جنيه، أى ما يقارب نصف مليون جنيه أو يزيد بحسب المساحة، لافتًا إلى أنه سيتم الحصول عليها بالتقسيط على 20 سنة.

قال ايمن محفوظ -26 عامًا-: «يعني ايه نص مليون لمحدودي الدخل، الكلام ده تهريج والحكومة كده بتهزأ الشعب ومش حاسة بيهم».

وأكد وائل سعيد -30 عامًا- ساخرًا: «هو أنا لو معايا نص مليون جنيه هاخد شقة عند الحكومة، ده أنا لو معايا ٢٠٠ ألف جنيه هعمل بيهم مشروع».

وأشار عوض السيد -34عامًا- أن الحكومة غير واعية بحال الشعب المصري قائلًا: «لو هما اللي هيدونا نص مليون جنيه ماشي انا موافق هما ميعرفوش المترتبات اللي هما بيدهولنا».

وأضاف محمد ابراهيم -38عامًا-: «إزاي شباب متخرج تديله شقة بنص مليون جنيه، هيجيب منين وهو لسه مشتغلش، هيسرق يعني؟، وكده طبعا الحكومة بتهزأ الشعب وتسخر منه».

وقالت جيهان توفيق -40 عامًا- أن أخاها حصل على شقة في مشروع الشباب ولكنه لم يقم بدفع مبلغ نصف مليون جنيه.

واستنكرت فاطمة أحمد -43 عامًا- التصريحات قائلة «ازاي محدودي دخل ونص مليون جنيه في حد هيكون معاه نص مليون جنيه في ظل غلاء الاسعار اللي احنا فيه والناس تعبانة والناس اللي يتاكل من الزبالة لازم الحكومة تعرف ان في ثورة تانية لو فضلنا بالحال ده احنا تعبانين ».