رامز أمير بعد تسريب رقمه على الانترنت: اداني فرصة إني أتكلم مع الناس

أعرب الفنان الشاب رامز أمير، عبر حسابه الشخصي بموقع الصور الشهير «إنستجرام»، عن استيائه من قيام أحد الأشخاص بنشر رقمه الشخصي على الإنترنت، قائلًا: «أحب أشكر الشخص اللي نزل رقمي على النت عشان اداني فرصة إني أتكلم مع الناس.. وعشان أريح الكل أيوة ده رقمي عشان الناس اللي بتبعتلي تقولي انت رامز أمير بجد؟».

وأضاف «رامز»:«أنا بس ليا طلب عند الناس لو سمحتوا كفاية.. عاوز واحد فيكوا بس يتخيل أن رقمه بقى مع الناس كلها، وشوف كده هتعرف تنام ولا تشوف شغلك إزاي».

وتابع: «شكرًا للناس على حبهم، وشكرًا برضه للناس اللي شتمتني عشان مردتش.. وأحب أقول كلمة أخيرة للرقم اللي بقاله معايا أكتر من 10 سنين.. هتوحشني يا رفيق الرحلة».

يذكر أن الفنان رامز أمير، يستعد حاليًا لتصوير الفيلم السينمائي الجديد «يوم من الأيام»، والفيلم من بطولة «محمود حميدة، وهبة مجدي، ولقاء سويدان، ومشيرة إسماعيل»، ومن تأليف وليد يوسف، وإخراج محمد مصطفى.