بالصورة.. «مركب رشيد» تشعل أزمة بين برلمانى ومواطن داخل «العمرانية»

نشر محمد فؤاد، المتحدث باسم حزب الوفد، وعضو مجلس النواب عن الحزب فى دائرة العمرانية، علي صفحته بموقع التواصل الإجتماعي «فيس بوك» تصريحٍ له اليوم في وسائل الإعلام، يطالب الحكومة بضرورة إعلان الحداد الرسمى على ضحايا الحادث الأليم بغرق مركب رشيد، الأمر الذي أدي إلى إستشاط الحديث بين نائب الدائرة «فؤاد» وأحد المواطنين يدعي حمدي ابو رمي، وجاء الحديث كالتالي:

قال «حمدي ابو رمي» للنائب: «بدل طلب الحداد سيادة النائب عايزين طلب زبالين اوصندوق للقمامه او سفلت التقسيم انزل التقسيم كلهم شارعين ناقصين سفلته انا عارف حضرتك مش هتقرا رسالتي لكن عندك مديرين اعمال واحنا مبنساش اللي يقدم لينا خدمه وأسرع من الأيام مفيش».

وجاء رد «فؤاد»: «الموضوع ده مختلف تمامًا عن اللى بتقوله نعي الضحايا واجب ثانيا انا مش شغال في الحي الموضوع ده سبق وقولته انه فى ايد السلطة التنفيذية انا دوري انى اضغط عليهم كسلطة رقابية انا مش دوري محلي ولكن بحاول اساعد فى الامر ده لحد ما يجي مجلس محلي هيبقى مختص بالشأن اللى انت بتكلم في وفى كل الاحوال احنا بنسعى لحلول مجدية».

وقال المواطن: «عارفين سعادتك سيادة النائب اللي انا انتخبته مش شغال في الحي نعلم كل العلم دكتور محمد» مضيفًا «اسف دي اول مره أتواصل مع سيادتكم لكم كل الاحترام والتقدير والسماح ان اخطأت في طلبي كمواطن من أهل الدايره من ٤٥ عام أعيش فيها وكلنا أمل بمرشحنا».

ثم رد النائب: «ما تاخدش الموضوع على نفسك كدة. لو حضرتك فيه حاجة عايزها تحصل، فيه لنا مكتب موجود تعالي قابلني. لكن مش ممكن بنتكلم نقول ربنا يرحم الي ماتوا، تقول بدل ما نطلبلهم الرحمة هات صندوق زبالة. مافيش حد يقول كدة ابدا!! لكل مقام مقال».