"يسري فودة" ينعي "البراء أشرف"

نعى الإعلامي يسرى فودة، البراء أشرف الكاتب الصحفي الذى توفى صباح اليوم الأحد، عن عمر يناهز الثلاثين، وقال: إن موت براء شبهه بموت باسم صبري وأشاد بأخلاق وطيبة وايجابية كل منهم.

وكتب فودة في تدوينه له على حسابه الشخصي على موقع التواصل الاجتماعى فيس بوك: شئ ما في موت براء بيفكرني بموت باسم شئ غير إن هما الاتنين ماتوا صغيّرين، شئ غير إن هما الاتنين كتبوا بمنتهى العمق الإنساني عن لحظة الوصول لسن معين، شئ غير إن هما الاتنين كانوا طيبين مؤدبين حالمين ومليانين طاقة إيجابية وفاتحين عقولهم وأرواحهم لكل الناس، شئ غير إن هما الاتنين كانوا دقيقين في شغلهم و دايمًا بيحاولوا يكونوا عادلين، شئ غير إن هما الاتنين كانوا في منتهى الغزارة في الكتابة و الإنتاج و كأنهم كانوا مستعجلين حاجة معينة، شئ من نفَس مصر الأصيلة وجذور الإنسانية بيخلّيك في لحظة مش قادر تفرّق بين واحد من اليمين وواحد من اليسار ماشيين هما الاتنين في اتجاه واحد، البراء أشرف وباسم صبري .. شكرًا.