أهالي حواتكة أسيوط يستغيثون من الترع والمصارف وانتشار الأمراض (فيديو)

الجمعة، 28 أبريل 2017 06:39 ص
أهالي حواتكة أسيوط يستغيثون من الترع والمصارف وانتشار الأمراض (فيديو)
صوره من الفيديو
أسيوط – هناء حسين


كارثة حقيقية يعيشها أهالي قرية الحواتكة بمركز ومدينة منفلوط بمحافظة أسيوط من جراء مرور ترعة مكشوفة للصرف الصحي بوسط القرية لري الزراعات والخضروات التي يتناولها اهالي القرية والقري المجاورة بمركز منفلوط  بأكمله.




























يقول محمد عزوز ،أنا عندي مشروع وهو تغطية الترعة وعمل مواسير تمر تحت الأرض ونردم الترعة ونستغل مساحتها في التشجير وعمل محلات تجارية للشباب لتوفير فرص عمل ونرحم الأهالي من الأمراض ، بس محتاجين موافقة الري، واذا كانت الحكومة مش عندها فلوس الأهالي مستعدين لردم الترعة على  حسابهم  الخاص.









محمد زيان قال:«احنا نا بنموت كل يوم من رائحة مياه المجاري التي تصبها عربات الكسح الخاصة بمجلس المدينة ومش عارفين نشتغل من الناموس والأمراض،ويضيف محمد علي، ياريت يرحمونا من الأمراض والقرف ويردمو الترعة دي، ويشوفوا أي وسيلة أخري لري الزراعات، الترعة بتجمع الأمراض والحيوانات الميتة زي ما انتوا شايفين كدة ويشير، خليل عمر، تاجر خضار، الطماطم أهه بتبوظ بسرعة لأنها شاربه بمياه المجاري، والناس كلها في القرية عيانة حد يرحمنا من الأمراض. 







ويتابع، حمدي سعيد، من أهالي قرية الحواتكة:«شوفوا البطاطس جربانة إزاي لأنها بتشرب من ترعة الحواتكة بمياه المجاري، والترعة في قلب القرية وجايب لينا الأمراض حد ينقذنا، ويشكو عبد السلام حسانيين، من أهالي قرية الحواتكة:«الحال تعبان ولاحد سامع والناس بتموت من الأمراض وأكل الخضار بمياه المجاري وأدي الترعة زي ما انتوا شايفيين.

 

 

لا توجد تعليقات على الخبر
اضف تعليق