استغاثة للرئيس.. عم صابر مسن ومعاشه 350 جنيها (فيديو)

«الناس الغلابة دي محدش بيفكر فيها ولا عارف هي عيشة إزاي».. بتلك الكلمات تحدث صابر حسن سعيد، 66 عاما، لكاميرا «صوت الأمة».

يقول عم صابر: «أنا عايش في بيت غرفتين وبصرف على 8 أفراد.. وباخد معاش 350 جنيها من وزارة التضامن الاجتماعي،  وقدمت طلبات كتير عشان يزيدوا ومعدش رد عليا، ما هو ده اللي بيحصل في الغلبان في البلد».

ويضيف: المعاش بتاعي مبيكفيش أي حاجة دا في كهرباء ومياه بتتدفع غير الأكل والشرب، أنا كل اللي محتاجه هو كشك أبيع فيه فاكهة وزيادة في المعاش عشان أقدر أصرف وأعيش».