"مريم" بعد خلع زوجها "كان بيخونى أكتر ما بيقعد معايا.. ومعرفتش أضبطه متلبس

" تزوجنا بعد قصة حب طوال فترة الدراسة، ولكن بعد الزواج كان شيئا مختلف فى الشخصية والمعيشة والأسلوب وكل حاجة اتبدلت  ورغم كده كنت بعدى حاجات كتير عشان خاطر الطفلين التى رزقنى بهم الله كنوع من التعويض ".

بحزن وانكسار بدأت "مريم" روايتها لقصة خيانة زوجها والحسرة تملأ قلبها علي ما وصلت إليه  وتقول  "انا كنت بتقى ربنا معاه فى كل حاجة ، ولكني كل فترة كنت باكتشف خيانته لي وأنه بيعرف  واحدة عليا أو حد يشوفه ويقولى، وبعد أول خناقة تركت البيت ورجعت لأهلى ، وبعدها وعدني بعدم تكرار عملته السودة ، ورجعت وانجبت طفلين وتخيلت  أن ربنا هداه .

وتكمل مريم  إلا أنه تمادي في أفعاله وعشق المغامرات العاطفية والتي وصلت لعشر مغامرات كنت بعرفها من الناس  أو من الفيس بوك  أو بشوفها بعيني وقررت الانفصال  ورفض بشدة بحجة الحب

 "الحب" حب ايه اللى يخليه يتجوز واحدة ويعرف عليها 10 ده مش حب دى خيانه " وعشنا كام سنة في خناق واعتذارات ومصالحة ومسامحة ووقت أن قررت الرجوع إليه مرة أخري بعد توسلات منه لي ولأهلي وأنه سيتغير ، ولكن للأسف اللي فيه داء الخيانة مش بيتغير ابدا  رجعت البيت وبعد عدة أشهر رجع لعادته تاني ، فهو خائن بدرجة استاذ  لا أستطيع أن أمسك عليه شيئا وكان جميع أصدقائى يأتون لى ويحكون عن القصص والحكايات عنه وما يفعله مع أقرب ناس لي ".

وتابعت،  في المرة الأخيرة واجهته بوقائع محددة ولكنه هاجمني وتعدي على بالضرب المبرح ، وللأسف لم أستطع أن أضبطه متلبسا فى أى مرة، وبعدها لجأت للمحكمة لإقامة دعوى طلاق للضرر وحاولت طوال 3 سنوات أن أحصل على حكم، ولكنى كنت أتراجع بسبب أطفالى إلى أن كفرت بالعيشة معه وقررت الخلع وتركه نهائيا".