السيسي : «منبقاش رجالة لما نسمح لحد يمد إيده على أرضنا»

الثلاثاء، 23 مايو 2017 02:00 م
السيسي : «منبقاش رجالة لما نسمح لحد يمد إيده على أرضنا»
السيسي اثناء زيارته لدمياط

وجه الرئيس عبد الفتاح السيسى، كلمة إلى المحافظين والمواطنين فى نطاق كل محافظة يوجد عليها استيلاء على أراضى الدولة، قائلا: "منباقش رجالة وعندنا مروءة لما نسمح إن حد يمد إيده على أرض بلدنا ونسيبها له، وأى مأمور قسم أو مدير أمن أو محافظ أو مجلس محلى لا يسمح أنه يتسرق أرض بلده".

ووصف الرئيس السيسى فى كلمة بافتتاح عدد من المشروعات القومية بدمياط، كل شخص يستولى على أراض الدولة بدون حق بأنه "حرامى"، مضيفا: "اللى ياخد الأرض ده لص ومغتصب ودى أرض مصر واللى ياخدها بدون حق هو لص ومغتصب وحرامى أيما كان هو مين".

وتوعد الرئيس السيسى كل شخص يحصل على أموال الغلابة بالنفوذ أو غيره، قائلا: "طول ما أنا عايش على وش الدنيا وفى مكانى ده مش هسيب حد ياخد حاجة، واللى عايز يتحدانى فهو بيتحدى حق من حقوق ربنا فى الأرض وأنا معنديش مصلحة ومفيش بينى وبين حد مشاكل واللى بينى وبينك حق ربنا وحق الناس".

موضوعات متعلقة

السيسي يفتتح مستشفي العزازي النفسي ومشروعات قومية عبر «كونفراس»

 

 

لا توجد تعليقات على الخبر
اضف تعليق