خبط بالعقل.. فيفي عبدو بعد الـ5 مواه بقت 64 تيت مع رامز جلال.. مفيش فرق بين مسلم ومسيحي.. مسلم عمل عمرة لشهداء حادث المنيا.. دار الإفتاء حسمت «بوس» الزوج لزوجته وقالت مبيفطرش في رمضان.. نام عريان عشان صحتك

فيفي عبدو صاحبة الـ"64 تيت" في أولي حلقات برنامج رامز تحت الأرض

**إمبارح وأنا بتفرج علي برنامج رامز جلال اللي بنستناه من السنة للسنة عشان نعرف طبيعية المقلب الجديد.. لاقيته مستضيف "فيفي عبدو" إللي ياعيني صوت وصرخت لما قالت يا كيفا..أنت عارف فيفي أتغطي علي الشتيمة إلي قالتها في البرنامج "64 تيت" في وقت قياسي أقل من نص ساعة..أنت متخيل إن أولى حلقات برنامج المقالب "رامز تحت الأرض" يبقي كله عبارة عن "تيت" للتغطية علي الألفاظ السيئة اللي قالتها "فيفي".. ودة معناه حاجة من الـ2 يأما هي كانت عارفة المقلب فافورت عشان الناس تتعاطف معاها..يإما خافت فعلا وأتسرعت من الموقف فا كانت بطبيعتها.. أحكم أنت بقي وقول كانت بطبيعتها ولا بتمثل؟..

ترامب: إن مليارات السعودية ستوفر مزيدا من فرص العمل للأمريكيين

2**القمة الإسلامية الأمريكية سمعت عنها؟ أه طبعا..طب عرفتها؟ لا..يبقي متعرفهاش..لما رئيس أمريكا "ترامب" يقول إن مليارات السعودية ستوفر مزيدا من فرص العمل للأمريكيين..دة معناه إيه إن الاستثمارات إللي عملتها السعودية مع أمريكا إللي كلفت السعودية ربع  باحتياطي المملكة مين المستفاد بيها؟..الشعب الأمريكي وليس العرب..أكيد السعودية مكنتش تعرف إن الاستفادة هتبقي لشعب غير عربي..هي أكيد كانت فهمة إن الموضوع كله متوقف علي استثمارات فقط لا غير.. مش كدة ولا إيه؟؟..

 مواطن مصري يشارك بعمرة في رمضان لشهداء حادث المنيا

3** عن حادث المنيا الأليم أتحدث..أصغر ناجية فى حادث المنيا جوليا 7 سنين.. قالت "أمى غطتنى بالشنطة والإرهابيين مشافونيش"..وفي نفس الوقت مواطن مصري  يشارك بعمرة لشهداء حادث المنيا فى أول يوم رمضان..لما تلاقي الكلام تفهم إييه؟..إن الفتنة إلي يخطط ليها من زمان عشان يبقي أخوتنا الأقباط مش طايقين أخواتهم المسلمين في وطن واحد مش هتحصل..عشان إحنا اتربينا عند طنط تريز وطنط فاطمة كانت بتعمل كنافة حلوة أوي وتوزعها علي الجيران وأهمهم تريز..أكيد وصلت الرسالة..مصر لن تسقط أبدا ويحيا الهلال مع الصليب..

دار الإفتاء حسمت "بوس" الزوج لزوجته وقالت مبيفطرش في رمضان

4**لو شاكك أو مش عارف ومش فاهم البوس في رمضان حلال ولا حرام..دار الإفتاء المصرية حددت الحمد لله وقالت إن تقبيل الزوج لزوجته في نهار رمضان لا يفطر..وكمان مرطبات البشرة يعني الكريمات وأهم حاجة عند الستات "الماكياج" كل دول حاجات لا تفطر الصائم.. بس مش معني كدة أنك تحط روج مثلا..أو  تقبل مراتك ويتحرك جواك شهوة ناحيتها..أنت في شهر الرحمة والمغفرة.. ودة شهر واحد بس في السنة فاستحمله لأنه أفضل وقت للقرب من ربك..ساعة لقلبك وساعة لربك..

نام عريان عشان صحتك تبقي تمام

5** وفي الأخر نصيحة علي الماشي..النوم عاريا هيخليك  تنام تمام..ووزنك هيبقي صحية ورشيق..ومودك هيقي فل..أما بقي نشاطك هتبقي حسان وأسد متين.. جربها وأنت تعرفإلي بنقولك عليه.