خبط بالعقل.. الراجل اللي اغتصب طفلة البامبرز هيتعمل معاه الصح.. السودان تحظر المنتجات المصرية في أسوقها.. شعب بيحب «التهييس» بيتصور سيلفي مع العمارة المائلة في الإسكندرية

قرار بإعدام مغتصب طفلة البامبرز
من النهاردة مفيش راجل هيغتصب أطفال.. ظهر الحق يا ولاد أخيرا كل واحد هيفكر يغتصب أطفال هيتعدم والحمد لله.. محكمة المنصورة أصدرت قرارها  بالإعدام شنقا لمغتصب طفلة البامبرز بعد أن قامت باستطلاع رأي مفتي الديار المصرية الذي أقر بصحة قرار الإعدام.. بصراحة هو قرار سليم 100 إلى 100 عارفين ليه لأن الباشا اللي اغتصب الطفلة دية قطع قلوبنا جميعا فالحمد لله إننا هنخلص منه.. بس القرار ده معناه إن أي راجل بيمشي ورا شهوتة وتفكيره شاذ وبيحب الجنس مع الأطفال هيموت.. يعني هنقدر نحس بالأمان على أولادنا وهما في المدارس أو في النادي أو في أي حتة.. يارب احفظ أولادنا.

السودان تقرر حظر تداول المنتجات المصرية 
يادي النيلة السودة.. هي السودان قلبت علينا ليه؟ وعشان مين؟.. بالمناسبة لاستكمال لمسلسل الافتراء علي مصر رئيس السودان قرار بحظر تداول المنتجات المصرية الزراعية منها أو الحيوانية كنتيجة طبيعية بس السبب المعلن بالطبع لا علاقة له بالحقيقة غير أن مصر أخيرا قامت بالدفاع عن مشروعيتها في القارة.. وخلص الحكاية.

التقاط عدد من الصور التذكارية والسلفي بجوار برج الأزاريطة المائل بالإسكندرية
المصري معروف بإيه؟ بخفت دمه أصلنا ولاد نكتة طول عمرنا وأي مشكلة بنقلبها هزار وضحك وكدة تقول إيه؟.. أقبل شباب بمحافظة الإسكندرية على التقاط عدد من الصور التذكارية والسلفى بجوار برج «الأزاريطة» المائل.. الشباب طبعا قالبوها نكتة العصر وبقوا يتداولها  بشكل ساخر.. هتقول إيه شعب بن نكتة.

 

لتجنب التهابات المعدة اشرب نعناع 
نصيحة علي الماشي.. صايم وعندك التهابات فى المعدة.. اشرب النعناع بعد نصف ساعة من الإفطار.. وكمان العرقسوس لأنه يحتوي على خصائص مضادة لالتهابات المعدة ويعمل كملين قوي..الإكثار من تناول التمر لأنه يمد الجسم بالعناصر الغذائية ويحد من التهابات المعدة.. تجنب شرب القهوة والشاي بعد الإفطار مباشرة.. الابتعاد عن المشروبات الغازية نهائيا.. الإكثار من تناول الفاكهة والخضروات.. وصوم مقبولا إن شاء الله.