خبط بالعقل.. فستان كندة علوش في الإعلان بقى سبوبة.. المصيبة أنه بـ 10 آلاف جنية وخلصان.. شاومينج في حرب مع وزارة التربية والتعليم.. مفاجأة قطار بلا قطبان في 2018.. عشان صحتك تبقى تمام كل لوز بعد الفطار

الأحد، 04 يونيو 2017 08:00 م
خبط بالعقل.. فستان كندة علوش في الإعلان بقى سبوبة.. المصيبة أنه بـ 10  آلاف جنية وخلصان.. شاومينج في حرب مع وزارة التربية والتعليم.. مفاجأة قطار بلا قطبان في 2018.. عشان صحتك تبقى تمام كل لوز بعد الفطار
خبط بالعقل
فاطمة ياسر

فستان كندة علوش في إعلان شركة الاتصالات بـ10 الاف جنيه وخلصان من المحل


عارفين الفستان إللي لبسته كندة علوش في إعلان شركة الإتصالات.. لما عملت عزومة لمامت عمرو يوسف وكدة.. عارفين إن الفستان دة حصل عليه إقبال تاريخي.. كل الستات رتحت تيجيبوا لما عرفته أنه في محل بالزمالك.. كل دة عادي بس إللي مش عادي إن سعر الفستان في المل 10 ألاف جنيه ده كدة أول هام.. تاني هام بقي إن الفستان خلص من المحل ومعمول عليه طلبات لشهر قدام.. لحظة من الصمت العجيب التي تشير إلى إيه بقي.. أمركم عجيب يا ستات مصر ماتفصلوا ولا تجيبوا حاجة شبه لازم يعني أبو 10 ألاف جنيه.


«شاومينج» ووزارة التربية والتعليم وامتحانات الثانوية العامة  

المسرحية الكوميدية بتاعت كل سنة مابين «شاومينج» ووزارة التربية والتعليم والبطل أو الضحية هو الطالب..أنهاردة  إمتحان العربي اتسرب جزء منه بعد ساعة ونص علي الفيس بوك وبعد البحث والتدقيق اكتشفوا إنه طالب في العريش هو اللي عمل كدة..وأتحرم يا عيني يا ابني من الامتحان.. ولسه مفيش جديد في اللي هيحصل في الطالب الغالبان إللي كل همة مساعدة الآخريين.. المهم بقي إن لا نظام بوكليت ولا أي أنظمة هتقدر تقف قدام "شاومينج والطالب المصري المعروف بذكائه وجبروته وقويته.


قطار بلا قضبان في 2018

أدي أخرة التكنولوجيا وإللي بتعمله فينا.. غمض عين ثواني وتخيل إنك ركبت  قطار بدوت قضبان..يعني ماشي مع نفسي..بس الحاجة أم الإختراع مش كدة ولا إيه؟..الصين تكشف عن أول قطار بدون قضبان فى العالم.. وكمان هيطرح في 2018 وسريع جدا وبياخد ناس كتير جدا..يعني "فول أوبشن"..ياسنة سوخة يا ولاد.

 

أتسلي في رمضان وكل حفنة من اللوز بعد الفطار

نصيحة علي الماشي.. وإحنا في رمضان وبعد ما تفطر وتشب الشاي بتاعك..كل حفنة من اللوز عارف ليه؟.. عشان تحافظ علي مستوي الكولسترول في الدم.. يقلل خطر الإصابة بالأزمات القلبية.. مد الجسم بالكالسيوم الذي يحتاجه..ينظم نسبة السكر بالدم.. ينشط خلايا المخ ويجعل الشخص أكثر تركيزا.

 

لا توجد تعليقات على الخبر
اضف تعليق