خبط بالعقل.. فين عمرو يا كندة مطلعش معاكي ليه في الإعلان الجديد؟.. طلعت حرب رجع وحبيب العادلي لسة.. أمير قطر يشتري قصرا في إيران «عشان يهرب فيه».. وبعد طول انتظار التعليم تنتصر على شاوميج

اختفاء عمرو يوسف من إعلان مستشفى (500 500) وساب كندة لوحدها
فين عمرو يا كندة مطلعش معاكي ليه في إعلان مستشفي (500 500)؟.. سؤال بيدور على إجابته المعجبين بيهم.. أصل المعتاد أنهم بيطلعوا مع بعض في كل الإعلانات.. لحد أن الناس والله خافت عليهم. وقالت دول لو عاوزين يتحسدوا مش هيعملوا كدة.. الخلاصة أن شكل الرسالة بتاعت العين والحسد وصلت ليهم وعشان كدة كندة طلعت في إعلان مستشفي (500 500) لعلاج سرطان الأطفال بالمجان من غيره..

طلعت حرب رجع وحبيب العادلي لسة مرجعش
حاجات رجعت ووقعت وحبيب العادلي لسة مرجعش.. قطر وقعت وأتقطعت من 5 دول عربية ولسة حبيب مرجعش.. حتي طلعت حرب إللي مات من زمان أوي رجع وحبيب لسة.. عمارة الإسكندرية اتهدت وحبيب لا أتهد ولا حتي رجع.. أخيرا وليس بأخر.. سمير وشهير وبهير اتفرقوا وحبيب مارجعش.. راح يا أخواتي راح.

ترامب: لا يمكن الاستمرار في تمويل الإرهاب
لما تبقي قطر أبنه لأمريكا وأمريكا تتخلى عن ضنها يبقي فيها أنا؟.. ترامب قال لا يمكن الاستمرار في تمويل الإرهاب فأثناء زيارتي الأخيرة إلى الشرق الأوسط، قلت إنه لا يُمكن الاستمرار في تمويل الفكر المتطرف الراديكالي، فأشار قادة المنطقة إلى قطر.. دة نسميه إيه؟.. تخلي ولا خلاص قطر مبقاش لها لزمة معكم ولا ترامب جاي ينظف العالم من الإرهاب؟؟ أسئلة كتير أوي هنعرف إجابتها الأيام القادمة انتظروا مسلسل قطر وأمريكا «دونت مكس».

وزارة التربية والتعليم تنتصر علي شاوميج
وأخيرا وبعد طول إنتظار.. أنتصرت وزارة التربية والتعليم علي شاومينج ومقدرش يسرب الإمتحان والحمد لله..أصل  انهاردة اليوم الثاني لامتحانات الثانوية والحمد مقدروش يسربوا الإمتحان.. وبكدة التعليم تنتصر على "شاومينج" تصرف الجني الي كان لبسه السنة اللي فاتت والحمد لله.

دين أبوك أسمه أيه؟.. أمير قطر يشتري قصرا في إيران
دين أبوك أسمه إيه؟؟..كشفت وثيقة مسربة من الديوان الأميري القطري عن تجهيز الحكومة القطرية للطائرة الأميرية البديلة والمخصصة لحالات الطوارئ لنقل أمير قطر تميم بن حمد آل ثاني إلى إيران.. يعني لو أتقلب عليه هيسيب الجمل بما حمل ولا له دعوة بالمواطنين ولا أي حاجة..

أشرب ماية  في السحور وكل فاكهة وخضروات للتجنب ضربات الشمس
نصيحة علي الماشي..في ظل ارتفاع درجات حرارة الطقس.. ومرور البلاد بموجات حر شديدة.. ونظرا للصيام لعدد ساعات طويلة مع الذهاب يوميا للعمل.. تعرف علي طرق لحماية نفسك من التعرض لضربات الشمس في نهار رمضان.. عليك ارتداء ملابس خفيفة وفاتحة.. استخدام واقى للشمس حتى لا تتعرض لحروق الجلد..استخدام قبعة للشمس أثناء الخروج فى النهار..ارتداء نظارة شمس لحماية العين من أشعة الشمس الحارقة.. تجنب الخروج فى النهار بدون ضرورة..الاستحمام قبل الخروج من المنزل وبعد العودة إليه..الحرص على شرب كمية كبيرة من المياه والعصائر فى السحور..تناول الخضروات والفواكه فى السحور حتى تعمل على ترطيب الجسم.