نشطاء:«مين عنده الشجاعة يقول أنا لا أستحق الدعم»
الجمعة، 30 يونيو 2017 02:59 ص
تداول رواد موقع التواصل الاجتماعي، بعض المعلومات عن متوسط السعر العالمي لأسعار الوقود ، ضمن مجموعة من الملاحظات حول القرار الأخير للحكومة بشأن تحرير أسعار الوقود في مصر، في إطار خطة الإصلاح الاقتصادي.
وعلق أحد النشطاء قائلا:« متوسط السعر العالمي للبنزين أوكتان ٩٢ دولار وأربعين سنت.. يعني حوالي ٢٥ جنيه مصري..يعني كل واحد فينا بيمون لتر بنزين حضرتك بتدفع ٥ جنيه والحكومة حتدفعلك ٢٠ جنيه.. طبعا احنا بنقول الحكومة أكنها بتصرف من جيبها ... اللفظ الأكثر دقة الشعب بيدفعلك ٢٠ جنيه.. بياخد من أولوياته ويدفعلك»
وتابع:«يعني عشان أطلع الساحل أتفسح أنا وولادي من القاهرة باستهلاك منطقي ٢٠ لتر وسرعة معتدلة، الحكومة أو الشعب بيدفعلي(٢٠*٢٠) يعني ٤٠٠ جنيه..امبارح كانت حتدفعلي ٤٣٠ ..اخدت مني ٣٠ (٢٠*١.٥) ومازالت حتدفع ٤٠٠ .. قولي ... انا استحق الدعم .. لو بمون ٤٠٠ لتر في الشهر ..يعني ٨ آلاف جنيه.. الحقيقة ..... ناس كتير تستحق هذا المبلغ أكثر مني »
وأضاف:« مين فيكم عنده الشجاعة الكافية ويقول هنا أنا لا أستحق الدعم.. العيب ان كل اللي بيقوم الدنيا وبيشتكي قاعد جنبي في الساحل وكلنا عارفين نمط استهلاكه وطريقة حياته ولكن .. يبقي دائما التحدي الرئيسي للإنسان عندما تتعارض مصلحته الشخصية مع المصلحة العامة .. حتختار ايه؟؟؟؟ .. براحة علي البلد.. في ناس كتير مبتصدق ومستنيالنا علي غلطة »
ﻭكان طارق الملا وزير البترول أعلن أﻥ ﺇﺟﻤﺎلي ﺣﺠﻢ ﺩﻋﻢ ﺍﻟﻤﻮﺍﺩ ﺍﻟﺒﺘﺮﻭﻟﻴﺔ في ﻣﻮﺍﺯﻧﺔ 2017-2018 ﺳﻴﻨﺨﻔﺾ ﺇﻟﻰ 110 ﻣﻠﻴﺎﺭﺍﺕ ﺟﻨﻴﻪ ﻣﻦ 145 ﻣﻠﻴﺎﺭﺍ ﻛﺎﻧﺖ ﻣﺴﺘﻬﺪﻓﺔ، ﻭﻭﻓﻘﺎ ﻟﻠﻤﻼ، ﻓﺈﻥ ﺭﻓﻊ ﺃﺳﻌﺎﺭ ﺍﻟﻮﻗﻮﺩ ﻳﺄتي في ﺇﻃﺎﺭ ﺧﻄﺔ ﺗﺮﺷﻴﺪ ﺍﻟﺪﻋﻢ ﻭﺳﻴﺤﻘﻖ ﻭﻓﺮﺍ في ﻓﺎﺗﻮﺭﺓ ﺩﻋﻢ ﺍﻟﻄﺎﻗﺔ ﺑﻨﺤﻮ 35 ﻣﻠﻴﺎﺭ ﺟﻨﻴﻪ.
