خبط بالعقل..19 ست حصيلة متعة زعيم تنظيم «داعش».. الفراخ والدولار أسعارهم نزلت.. الفيفا عاوزة تسحب تنظيم كأس العالم من قطر.. الموبيل هيجبلك أمراض شيخوخة

الثلاثاء، 04 يوليه 2017 08:26 م
خبط بالعقل..19 ست حصيلة متعة زعيم تنظيم «داعش».. الفراخ والدولار أسعارهم نزلت.. الفيفا عاوزة تسحب تنظيم كأس العالم من قطر.. الموبيل هيجبلك أمراض شيخوخة
فاطمة ياسر

تعرف علي عدد الستات في حياة زعيم داعش


انهاردة لاقينا  تقرير غريب عجيب عن عدد الستات في حياة الرجل الواحد لداعش..هي مش داعش دية  بتاعت ربنا وبتقتل وتدبح باسم الاسلام؟..اه.. طب هو التقرير قال كام ست للراجل الواحد؟..قال إن  زعيم تنظيم "داعش" اتجوز 4 وعنده  15 "أمة لمتعته الشخصية"..وفي كلام كمان انه 10 آلاف دولار لشراء "عذراوات" يعني بنت البنوت.. هي الناس تعرف ربنا وكدة؟..اكيد لا..عشان الاسلام مقلش كدة.. وشهوتهم بتبين انه ماد ايه ارهابيين..فعلا صدق اللي قال "التنظيم الارهابي داعش"..

سعر كيلو الفراخ 24 جنية

مش الدولار لوحدوا اللي انخفض من امبارح للنهاردة 16 قرش دية كمان الفراخ سعرها نزل وبقت ب24 جنية مصري..شكل الحكومة حست بالمواطن وهتخالية ياكل فراخ وكدة مش بعيد نلاقي في ظل انخفاض الاسعار المانجة ب5 جنية..يعني والحمد لله هناكل فراخ واكيد هنلاقي حاجات تانية كتير اصل الدولار في النازل والجنية المصري في الطالع..مش كدة ولا ايه؟..

القاضى اللي مسئول عن قضية  "فض رابعة" قال "واحد واقف يضربك ببندقية.. هتسيبه يضربك؟"

الدم دة دمنا..مفيش فرق بين اخواني ومسلم ومسيحي كلنا اولاد هذا الوطن..بس لما نلاقي السلاح هو الرد علي اي حاجة الجماعة مش عوزاها يبقي ايه الحل هنستني لحد ما يقتلنا؟..اكيد لا..وعشان كدة لاقينا اختلاف في اراء الكثير من المصريين حول فض رابعة وميدان النهضة..اصل في ناس قالت انه مينفعش الشرطة تقتلنا..بس الحقيقة ان القاضى اللي مسئول عن قضية  "فض رابعة" قال "واحد واقف يضربك ببندقية.. هتسيبه يضربك؟"..سؤال منطقي الحقيقة..والسلاح دة مكنش هيبقي بس في حياة الشرطة والجيش دة كان هيبقي في وش الدولة كلها..

برلمانية ألمانية تطالب الفيفا بسحب تنظيم كأس العالم من قطر لدعمها الإرهاب

قلب "موزة" انت يا "تميم" كل حلفائك باعوك يا ريتشرد..برلمانية ألمانية تطالب الفيفا بسحب تنظيم كأس العالم من قطر لدعمها الإرهاب..دة مش بس الدول العربية الشقيقة دية كمان الاوربية قالت ان قطر بتدعم الارهاب..عمتا لازم ترحل يا "تميم" وتريحنا من شرك اللي خالا الوطن العربي تايهة..حسبي الله ونعم الوكيل فيك وفي امك..

وزارة التربية والتعليم تحذر من تسريب نتيجة الثانوية العامة

بعد انتصار وزارة التربية والتعليم في قضية تسريب الامتحانات عن طريق الأخ "شاومينج" وطبعا الامتحانات عديت بسلام وامان بدون تسريبات..انهار "التعليم" اللي هي الوزراة قالت..نتيجة الثانوية  بعد أسبوعين  وتحذر «اللي هيسربها هنسجنه»..يعني لا "شاومينج" هيقدر ولا غيره عارفين ليه؟...عشان بقينا اقوي من الاول ووزارة التربية اكيد اكتشفت الخاين اللي بيعمل فيها كدة كل سنة..ربنا يخليلنا التعليم ويقوي كمان وكمان..


الموبيليات هتجبلك أمراض شيخوخة

نصيحة علي الماشي.. الموبيلات وعمايلها السودة..تخيل كدة بعد ما أخدنا عليه واخد علينا نلاقيه مضر بالصحة ويسبب الشيخوخة..هو ايه دة؟..الموبيليات..طب ازاي يعني؟.. دية دراسة علي الديلي ميل هي اللي بتقول إن  الموبايل يصيب الشباب بأمراض المتقاعدين والشيخوخة..يعني شلل رعاش وجلطات وحاجات من دية..يبقي ايه الحل؟..ابعد عن الشر وغنيلوا.. اقعدوابالعافية..

لا توجد تعليقات على الخبر
اضف تعليق