«حازم عبد العظيم وإسراء عبد الفتاح وأيمن نور».. دونت مكس كل حاجة والعكس (فيديوهات)

الثلاثاء، 11 يوليو 2017 08:34 م
«حازم عبد العظيم وإسراء عبد الفتاح وأيمن نور».. دونت مكس كل حاجة والعكس (فيديوهات)
أيمن نور
كتب رامى سعيد

 
تتسم مواقف ثلاثي أضواء السياسية المصرية «أيمن نور – وحازم عبد العظيم– وإسراء عبد الفتاح» بالتناقض الشديد في عدد من القضايا السياسية، بما يتناسب مع ما يحصلون عليه من منافع شخصية مادية، والشاهد هنا في معرض الحديث عنهم لقاءاتهم التلفزيونية ومداخلتهم الهاتفية التي حملت وجهات نظر متباينة حد التناقض.
 

أيمن نور ضد الاخوان
 
 
 
 
 
خلال برنامج الاعلامى عماد أديب «بهدوء» المذاع على قناة سي بي سي قال أيمن نور عن جماعة الإخوان:  هناك تيار كبير من الشعب المصري غير مطمئن لإدارة الإخوان المسلمين وهناك تيار أكبر غير راضي عن أداء الإخوان وحكومتها، مؤكدًا أن اختزال المعارضة على جبهة الانقاذ أمر مغلوط من الناحية السياسية.
 
وتابع نور في برنامج بهدوء:  الإخوان فشلت في إقامة شراكة وطنية واسعة كان ينبغى أن تقيمها بعد الانتخابات البرلمانية مباشرةً، قبل انتخابات الرئيس، مضيفًا كما فشلت أيضا بعد نجاح مرشحها ووصول محمد مرسي للحكم.

أيمن نور مع الاخوان
 
 
 
 
 
فيما كان لنور موقف مختلف ومخالف لايمن  عن جماعة الاخوان وقت استضافة قناة الجزيرة له حيث أكد: رأي في الإخوان يتوجب قوله قبل كل صلاة وبعدها.. أنا معنديش أى مشكلة فى عودة محمد مرسى للحكم .. أنا شخصيا أرى أن هذ الرجل رئيس شرعي منتخب، خُلع بغير طريقة شرعية، وسُجن بغير منطق وغير عقل، وإنصافه وخروجه من سجنه إنصاف للحق والعدل.
 
وتابع نور خلال استضافته بقناة الجزيرة المعروفة بموقفها العدائي تجاه مصر والنظام القائم:  لكن إذا كان هناك من له موقف مغاير فى هذا الشأن فأنا شخصيًا لا أعتبر هذه قطيعة بيني وبينه بمعنى أصح، أن موقفي الشخصي هذا ، وموقفي الحزبي قريب من هذا، مشيرًا إلى ضرورة ازاحة النظام الحالي والافراج عن المعتقليين والعودة إلى المسار الديمقراطي على حد زعمه.

إسراء عبد الفتاح تنفي تلقيها تمويلات

 
 
 
 
وعن الناشطة اسراء عبد الفتاح فقد كان لها موقف واضح حيال قضية التمويلات حيث قالت خلال استضافتها فى برنامج علامة استفهام: «موضوع الشيكات ده .. أنا عمرى ما خدت أي شيك من بره، ولا من أي مؤسسىة، أو من أي شخص أو طلع باسم اسراء عبد الفتاح.. واللى عنده مستند أو ورقه بتقول الكلام ده يطلع يقول».
 
وتابعت موضحه حول قضية السفريات قائلة: «أنا بسافر قبل الثورة وبعد الثورة الموضوع متغيرش، وبسافر بمسنتدات بيشوفها الأمن في المطار، مبسفرش دون علم أحد، ومعايا ورقيى ومعايا كل حاجة .. ومصر كلها بتسافر مش أنا لوحدي اللي بسافر».
 
 
تسريب صوتي لاسراء تعترف بتلقى تمويلات
 
 
 
 
 
وبما أن الرياح تأتي دائمًا بما لا تشتهي السفن، فحصلت «صوت الأمة» على تسجيل صوتي افاد باعتراف واضح بتلقي إسراء على تمويل أجنبي، حيث أظهر الفيديو الذي تتحدث فيه الناشطة إلى إحدى صديقاتها تدعى «شيرين» بحثها عن شقة سكنية في أحد الأبراج، مؤكدة أنها تفضل أن تكون شقة تمليك وليست إيجار.

وجاء  نص التسجيل كالاتي
 
أزيك يا شيرين عاملة إية..
 
كله كويس بالصفيحة..
 
أه بالصفيحة ههههه..
 
كلمتى ماما
 
اه كلمتها الصبح أول ما صحيت..
 
فيه حاجة..
 
قالتلك هتيجى أمتى..
 
لا مجبتش سيرة.. أنا سألت أخبار أحمد مع سماح إيه قالتلى معرفش هو مكبوس ليه ومعرفش إيه الجديد..
 
كلمتى طارق فى موضوع الشقة
 
أنا قابلته وكانت معايا يمنى ومسألتوش..
 
مين يمنى..
 
يمنى صحبتى مامت روجينا ونسيت أسأله..
 
طب ساعدينى فى الموضوع ده أنا محتجاه ضرورى وكثفى جهودك مع طارق..
 
طيب هاقوله وهقوله على البرج اللى أنا هشتريه ده وهشوفهم هيلاقو فيه شقة ولا ايه..
 
أحنا ندور إيجار أو تمليك
 
لو تمليك يبقى أحسن..
 
ماشى ربنا يسهل..
 
وأنا نازله هقوله..
 
ماشى أوكى..
 
ولو لقيتوا حاجة هاجى علشان أشوفها وأمضى العقد..
 
على فكرة فيه حاجة تخص الموضوع ده بس هبقى أكلمك فيها بعدين..
 
فيه إية..
 
لا مش هينفع علشان قاعدة مع يمنى..
 
لا أطلعى بره وقولى..
 
كلام باستفاضة أنا قولت لأحمد أن أنا هشتغل معاكى وكدة..
 
فقال أن المعهد بتاعكم بتموله أمريكة فرفض هذا الموضوع..
 
هو أنا مبقولش أن فيه مشاريع زينا بتمولها منظمات مجتمع مدنى من أمريكا هو ده المجتمع المدنى..
 
أنا قولتله كدة وقولتله حتى لو بتمولها أمريكا ايه الحرمانية أو العيب فى كدة..
 
أحنا بنقدم مشروع وبنقدمه زى ما أحنا عايزين وزى ما أحنا بنفكر وزى ما أمريكا بتموله أحنا متعمدين جداٌ أن منخدش من أمريكا بس وبتموله ايضاٌ هولندا وأوروبا وألمانيا وبلجيكا وكذا منظمة تانية..
 
أنا كنت أعتقد أن حسام اللى معاكم ده هو اللى بيمول المشروع..
 
أيوة أول سنة بس لحد ما الدنيا أتظبطت وعلى العموم هو لو مش عايزك تشتغلى أحنا هنعمل إعلان ونشوف حد يشتغل..
 
فى الأخر قعدنا نتحاور كتير وقال أنا معنديش مانع أنك تشتغلى بس يكون فيه أجر هى دى وجهة نظره فقولتله خلاص لما ييجى وقتها يبقى ربنا يحلها..
 
ماشى أوكى..
 
ومنى هتشتغل بأجر ولا من غير أجر..
 
لا معرفش منى هتشتغل بأجر ولا من غير ومنى فى موال أزرق مع جوزها بسبب الثورة..
 
ماشى هنعمل إعلان بقى ونشوف حد..
 
وأخوكى مش هيشتغل..
 
معرفش أنا مقولتلوش..
 
أنا خايفة أخويا يخذلنى علشان متقدريش تعتمدى عليه..
 
أحنا هنبقى عملنا اللى علينا..أنا معنديش مانع بس خايفة من ده..
 
هيبقى فى وشى أنا وأنا بشتغل فى المعهد من 12 الصبح ل9 باليل..
 
وأنا قولت لماما ان فيه قناة فى مصر محتاجة مراسلين وقولتلها تقوله..
 
وأعتقد أن المراسلين دول بيكسبو كويس..
 
أول 3 شهور بياخد الف جنية وبعد كدة بيزيد على حسب الشغل وأنا قولت وعلملت اللى عليا..
 
ربنا يهدى..
 
ماشى باى..
 
باى..

حازم عبد العظيم مع الإخوان
 
 
 
 
في خطوة لا تبدو غريبة على تناقضات حازم عبد الصمد، اجري مدخلة هاتفية مع قناة الشرق الاخوانية المعروفة بتحريضها وعدائها الدائم على الدولة المصرية وقال خلال مدختله «أحنا في يوم من الايام خوناكم» يقصد الإخوان  لكن أكيد شوفنا مين الخاين.. تقبلوا  منى  اعتذارنا  كقوي ثورية..لكن فى نفس الوقت ياجماعة الاخوان المسلمين ارجوكم مزيد من الاعتراف بالاخطاء، من أجل وحدة الصف، مشيرًا إلى أنه فى حالة اعتراف الجماعة الارهابية باخطائها ستواجه  استجابة من جزئية من الشعب تدريجيًا.
 

حازم عبد العظيم ضد الإخوان
 
 
 
 
فيما كان له موقف مغاير تماماً خلال استضافته مع الاعلامى تامر أمين حيث وصف حازم عبد العظيم الجماعة بالعصابة مضيفًا «عصابة بكل المقايس ..مضيفًا أنا كنت ضد مرسي من قبل الجولة التانية للانتخابات الرئاسية .. أنا من أيام محمد محمود كنت عرفتهم خلاص دية عصابة بمعني الكلمة ، اصل عصابة .. يعني ليها مصلحة مع بعض،  وليها كيان متماسك وأي حد جوا الكيان معاهم، وأي حد بره الكيان يقطعوا رقبته».  

 

لا توجد تعليقات على الخبر
اضف تعليق