خبط بالعقل.. الجيش المصري بيدي الإرهابيين على «قفاهم»..عشان يلهيهم «أردوغان» يأمر برفع الأذان بـ 80 ألف مسجد لحشد الأتراك للاحتفال بذكرى تحركات الجيش.. انكسار موجة الحر من بكرة

الجيش بيدك الإرهاب «دك جامد»

الجيش المصري طول عمره واقف وقفة جامدة جدا عشان يحمينا ويحمي تراب هذا البلد.. ومن ساعت حادث رفح الإرهابي اللي حصل من 10 أيام كدة وفي أوامر من القيادة العامة للحرب ضد الإرهاب وأكيد قبلها كمان بكتير الحرب قايمة.. بس القوات الجوية تدمر 15 سيارة محملة بالأسلحة والذخائر قبل اختراق الحدود الغربية.. والجيش الثالث يقضي على 6 تكفيريين.. والمتحدث العسكري يعلن تدمير 5 مخازن لمواد متفجرة بوسط سيناء.. يعني الجيش المصري واقف وقفة رجالة بجد.. الله يحميك ويخليك لينا يا أحسن جيش في العالم وتفضل دايما رافع راسنا..

السيسي يرحب بتصديق برلمان الأرجنتين على اتفاقية التجارة الحرة مع مصر

يعني هنودي وهنجيب منهم.. أنا بصراحة مش إيه هي الحاجات بالضبط بس المهم إن الرئيس السيسي يرحب بتصديق برلمان الأرجنتين على اتفاقية التجارة الحرة مع مصر ويؤكد: 2 مليار دولار حجم التجارة ونعمل على الارتقاء به ونائبة رئيس الأرجنتين تشيد بالبرنامج الاقتصادي وتثمن دور القاهرة بمكافحة الإرهاب..بعيدا عن التجارة الحرة بقي والكلام دة..خالينا بقي نفكر إن في حاجة اسمها إرهاب إحنا بنحاربه وعشان احنا بنحاربه دول لعالم كله بتكافئنا..وفرحانة بينا كمان..أه وربنا..

الديكتاتور أردوغان  يأمر برفع الأذان بـ 80 ألف مسجد لحشد الأتراك للاحتفال بذكرى تحركات الجيش

طاغية وجبروت رئيس دولة عريقة صاحبة حضارة.. تركيا أو عاصمة الدولة العثمانية التي تعاني من تضارب كبير بسبب الحاكم الإخواني الذي يقهر ويعتقل ويدمر الشعب..كان المفروض هتقوم انتفاضة للشعب  يوم 15 يوليو.. بس أردوغان وعلى درب الإخوان في خلط الدين بالسياسة.. الديكتاتور العثماني يأمر برفع الأذان بـ 80 ألف مسجد لحشد الأتراك للاحتفال بذكرى تحركات الجيش.. وزعيم المعارضة يتهمه بالضلوع في أحداث يوليو.. يعني شكل الشعب لبس لبس يعني في الحكم الإخواني..

بكرا التنسيق للمرحلة الأولى

التنسيق وأيامه..أنا فاكره لما جيت أقدم الرغبات كنت مرحلة تانية آه والله.. وكنت عوزة أحط رغبة إلى حقوق بس أمي مرضيتش الحقيقة ولما جيت أعند معاها راحت رفعة الشبشب في وشي وخالتي أكتب كلية أداب.. بس في النهاية بقي دخلت جامعة خاصة أه والله.. المهم بقي إن انطلاق المرحلة الأولى للتنسيق غدا.. 95.1 % لـ «علمي علوم» و 91.22 % لشعبة الرياضة.. و79.51 للأدبى.. مواعيد إدخال الرغبات من 9 صباحا وحتى 3 عصرا.. ويمكن للطالب التقدم عن طريق الحاسب الشخصي.. وخط ساخن للاستفسارات.. يعني كل اللي أنت عوزه هتلاقيه..

انكسار موجة الحر من بكرة

هتموتي يا سوسو.. فعلا ده اللي احنا حسينة جدا الفترة دية.. أصل في موجة حر بشعة بجد في البلد.. تحس إنك فاتح الدفاية مع الفرن فبتوصل لمرحلة إنك مش قادر تاخد نفسك بس الحمد الله انكسار الموجة الحارة بداية من الغد.. درجات الحرارة تنخفض بمعدل درجة يوميا لتصل 36 الخميس المقبل.. الأرصاد: شدة الرطوبة سبب الإحساس الزائد بالحرارة.. غدا العظمى تسجل 38 درجة.. ونصائح بعدم التعرض لأشعة الشمس..أقعدوا بالعافية..