خبط بالعقل.. نصائح لصحة الحاج.. النجم محمد حماقي ينشر صورة تجمعه مع ابنته فاطمة.. الحكومة ترد على 8 أكاذيب أهمها أدوية فيروس سي أمنة.. وأخيرا هنطور الرعاية الصحية

الإثنين، 07 أغسطس 2017 08:23 م
خبط بالعقل.. نصائح لصحة الحاج.. النجم محمد حماقي ينشر صورة تجمعه مع ابنته فاطمة.. الحكومة ترد على 8 أكاذيب أهمها أدوية فيروس سي أمنة.. وأخيرا هنطور الرعاية الصحية
خبط بالعقل
فاطمة ياسر

أخيرا هنطور الرعاية الصحية


التطور وشكل البلد من أهم الحاجات اللي بيسعي لتحقيقها الرئيس السيسي..مش كدة ولا ايه..وعشان كدة السيسى يجتمع بكبار المسئولين ومهتم جدا بمواصلة جهود تطويرورفع كفاءة المستشفيات والمراكز الطبية..الرئيس يوجه بتطويرمنظومة تأمين المطارات المصرية..وزير المالية: خفض عجز الموازنة العامة لنحو 9.5% خلال 11 شهر..يعني علي ما اعتقد هنعيش في رغد وسعادة وغنا..وهنقدر تكشف علي صحتنا بدون ما دكتور يكشف غلط..وهنقدر نجيب كل اللي احنا عوزينه..مش كدة ولا ايه؟...


الحكومة تنسف أسبوعا من الشائعات الوزارات تنفى 8 أكاذيب أهمها أدوية فيرو سي أمنة

إشاعات إشاعات إشاعات..فاكرين الفنانة شادية والفنانة سهير البابلي وهما بيغنوا الأغنية دية في مسرحية ريا وسكينة كان عندهم حق والله إن الدنيا مليانة إشعات.. حقائق الحكومة تنسف أسبوعا من الشائعات.. الوزارات تنفى 8 أكاذيب.. وتؤكد: أدوية "فيروس سى" آمنة ومصر خالية من مرض البلطى.. لا حذف من بطاقات التموين.. إغلاق المساجد للإحلال فقط.. والمجمعات ما فيهاش لحمة حمير..كل دية إشعات لإثارة الزعر والرعب بين المواطنين وخلاص..مش عاوزين الناس تثق في الحكومة وعاوزين قتل ودم وخلاص..ياناس يا شر كفاياكم قر وحقد علي الحكومة..


 نشر النجم محمد حماقى صورة تجمعه مع ابنته فاطمة

لا تقولي فنان ولا تقولي مشهور..الأب أب حتي لو كان رئيس جمهورية أو ملك..أنهاردة نشر النجم محمد حماقى صورة تجمعه مع ابنته فاطمة..ودية تعتبر أول مرة ولكنه حرص على عدم إظهار وجهها وهى رغبته فى أن تكون بعيدة عن وسائل الإعلام..كبرت في نظري أوي يا حماقي بس أوعي تكون خايف علي فاطمة من العين..ربنا يباركلك فيها..

 


نصائح لصحة الحاج

كلها كام يوم وهتبدأ مراسم الحج كل سنة وانتم طيبين..وعشان كدة لازم وأنت رايح الحج تعرف شوية حاجات هتفيد صحتك.. يا رايح الحرم.. أحمي صحتك من الأمراض  وقوي مناعتك بالأكل الصحي والسلطة والخضروات.. والحامل "متنسيش علاجك وابعدى عن الأماكن المزدحمة".. وعشان تبقي عارف تطعيمات الحمى قبل السفر بـ10 أيام

 

لا توجد تعليقات على الخبر
اضف تعليق