"عم فكري".. 20 عاما يطعم الحمام لوجه الله

الجمعة، 20 أكتوبر 2017 05:10 م

حمام - ارشيفية

بمجرد أن يستيقظ عم "فكري" كل صباح ويتجه إلى محل بشارع الشواربي بمحافظة أسوان، وقبل أن يفتح باب محله يجد الحمام ينهال عليه من كل اتجاه املا في وجبة الغلال الذي اعتاد أن يقدمها "فكري" كل صباح ولم يتخلى عنها منذ 20 عاما.

" أول ما بفتح الدكان الصبح بلاقي الحمام هجم عليا وكأنه بيقولي فين الأكل"، بهذه الكلمات بدأ عم فكرى حديثه: قائلا: الحمام ده بتاع ربنا أنا مش باكله ده الرزق ده جالي من عند الله وانا مجرد مرسال".

واستطرد عم فكري قائلا: اتعودت على العادة دي والحمدلله ورثتها لعيالي التلاته لو في يوم تعبت ومنزلتش المحل بقوا هما يأكلوا الحمام مكاني، الحمام كل يوم بيكتر دلوقتي بتزورني ولا 200 حمامة يوميا وبرميلهم فول وذرة وعدس وعمري معرفت برميلهم قد ايه بس من وقت ما عملت كده والرزق بيزيد والمحل علطول مليان وده بفضل الله".

مر على الحاج فكري عصور سياسية مختلفة كيف تغير وضع التاجر من عهد الملك فاروق وحتى الآن، يجيب قائلا: الناس زي ماهي والخير كتير السيسي كويس بس الناس مش راضية تصبر.

وعن جشع التجار قال: كل واح وضميره انا بقالي 60 عاما عمري مابخلى مكسبى يزيد عن جنيه فى اى بيعة وعشان كده تلاقى الناس بتجيلى من اخر الدنيا".

وأضاف: احنا بنبيع بأقل أسعار برغم أن أسعار الغلا زادت أكتر من الضعف، وعلمت أولادي أن الشطارة مش زيادة مكسبهم على حساب الناس، مكسبهم هو إرضاء ربنا ولو كل واحد راعى ضميره كلنا هنبقى أحسن، وأنا طول عمري راضي بقليلي وربنا بيزدني".

موضوعات متعلقة..