شريهان أبو الحسن عن منتدى شباب العالم: "حدث لازم نقف عنده ونقول برافو"

 

أشادت الإعلامية شريهان أبو الحسن، بمنظمى منتدى شباب العالم بمدينة شرم الشيخ، قائلة: "مصر تتألق فى شرم الشيخ وتستضيف شباب العالم، حدث لازم نقف عنده ونقول برافو، على اللى نظم هذا الحدث".

 

وبالحديث عن انتقادات المؤتمر، قالت الإعلامية شريهان أبو الحسن، خلال برنامج "ست الحسن"، الذى يذاع على قناة ON E، قائلة: "فيه هرى كتير على السوشيال، والسوشيال ميديا شغلانة اللى مالوش شغلانة، فيه مساحة كبيرة جدا للناس اللى مالهاش شغلانة إنهم يهروا، يعنى مثلا يقولوا إن الأمن ظهر دلوقتى!!..طيب الشوارع متأمنة فى شرم الشيخ،!! يعنى حضرتك عايزينى أسيب شرم الشيخ اللى فيها الدنيا كلها من غير تأمين، ولو مأمنتش نفس الشخص هايقولك إنتوا مش حاسين بأهمية اللى بيحصل فى شرم الشيخ، معلقة: "لازم يكون فيه تأمين على أعلى مستوى، وكنسنا الشوارع علشان دى صورة مصر".