رسائل السيسي النارية من الإسماعيلية: سيناء أرضنا.. والسيادة جزء من الكيان المصري

السبت، 23 ديسمبر 2017 03:24 م
رسائل السيسي النارية من الإسماعيلية: سيناء أرضنا.. والسيادة جزء من الكيان المصري
الرئيس السيسي
كتب- إبراهيم سالم

وجه الرئيس عبد الفتاح السيسي، عدة رسائل نارية خلال افتتاحه عددا من المشروعات القومية والخدمية بمدن ومحافظات القناة، للتأكيد على حرص الدولة على الاستثمار والنهوض بالدولة من أوضاعها الحالية وتقديم خدمات أفضل للمواطن المصري، كما شدد على أن السيادة على الأراضي المصرية جزء لا يتجزأ من الكيان المصري.

في البداية أصدرت السفن المارة عبر المجرى الملاحى لقناة السويس، أصواتًا لتحية الرئيس عبد الفتاح السيسى، وذلك خلال مشاركته باحتفالية افتتاح المشروعات القومية الكبرى بمنطقة القناة، وأثناء كلمة الرئيس زادت أصوات السفن، فداعب السيسى، الفريق مهاب مميش، رئيس هيئة قناة السويس، قائلًا له: "أنت مسلط السفن دى علينا".

بئر العبد الجديدة

وقال الرئيس السيسى فى حديثه عن بئر العبد: "هنعمل مدينة جديدة تكلفتها 100 مليار جنيه تتمضن تخطيط عمرانى متكامل فى بئر العبد الجديدة خلال سنتين وهنعمرها".

وأشار الرئيس إلى انشاء 152 ألف وحدة سكنية شرق الإسماعيلية الجديدة، يما يعنى إمكانية تسكين 300 لـ 400  ألف مواطن، مضيفا: " جاهزون نعيش الناس هنا حيث المدارس والمستشفيات والكنائس والمساجد وكل شىء، واحنا مش بنقول هنعمل.. لا احنا إن شاء الله عملنا".

وطالب الرئيس عبد الفتاح السيسي، المصريين بضرورة الثقة فى أنفسهم، قائلا: "أنا مش ببيع الوهم وسوف تتفاجئون بالمشروعات، التى سيتم افتتاحها بجهد وعمل المصريين وشبابها من مهندسين وعمال وغيرهم.. إحنا مش بنجيب شركات تعمل طالما إحنا قادرين على ذلك.. أنا بطمنكم.. وأقصد بقلقى على المصريين وحدة المصريين وقلبنا على قلب بعض وبلدنا".

وأكد الرئيس إن سبب ما نحن فيه هو دعم المصريين لبلدهم وصبرهم وتحملهم، معقبا: "لا أجاملكم فى ذلك وكل ما نستحمل أكتر كل ما نطلع لقدام أكتر.. وأوعوا تفتكروا إن النجاح من غير تعب.. النجاح بتعب وتضحية وتحمل، وعلينا النظر لما أنجزناه اليوم ونقول الحمدالله إننا ماشين كويس".

وتابع :"نعمل فى كافة المجالات والمحاور ونعمل بالتوازى فى كل المحاور المطلوب العمل فيها.. لا تقلقوا أبدا.. خايفين من إيه.. دا انتوا تخوفوا الدينا كلها.. ربنا يخلى الناس كلها ويحفظكم واحنا مستعدين نضحى.. وأنا أولكم والله العظيم .. والله لا يمكن لأحد أبدا يمسك يا مصر ولا يمس ارضك طول ما احنا موجودين.. محدش  يقدر يمس مصر ولا ارضها ولا شعبها بس نبقى كتلة واحدة ونثق فى الله وجهدنا المخلص والآمن والشريف.. وأكررها فى زمن عز فيه الشرف".

وقال الرئيس عبد الفتاح السيسى: "إننا كمصريين قادرين على تحدى الدنيا كلها عشان إحنا مش أشرار ولا متآمرين ولا طماعين فى خير أو أموال أو أرض أحد.. إحنا بس طمعانين فى كرم ربنا عشان يساعدنا بننبى ونعمر.. وإن شاء الله هنبنى ونعمر".

وأشار الرئيس فى كلمته خلال احتفالية افتتاح عددًا من المشروعات القومية الكبرى بمنطقة قناة السويس بالإسماعيلية، إلى أنه كلف وزارة الإسكان والهيئة الهندسية بالقوات المسلحة بمشروع قومى يتضمن تخطيط عمرانى متكامل، سيتم تنفيذه خلال عامين أو ثلاثة أعوام، معقباً: "سواء إحنا موجودين أم لا.. الشغل مش بيقف على حد إلا على شعب مصر".

وتابع: "إحنا بنخطط وننفذ ونضع إرادتنا والموارد المطلوبة،  وأرجوا أن يعى المصريين أن الدفاع عن البلد والأرض ليس بالكلام، بل بالعرق والجهد والتضحية والدم، وإحنا كمصريين ياما قدمنا تضحيات، وأطمئنكم تماما إن ربنا سبحانه وتعالى يساعد الصالحين اللى بينبوا ويعمروا وميخربوش ولا يهدوا أو يضيعوا، وإحنا لا بنخرب ولا بندمر ولا بنضيع.. بنجرى على أهلنا وناسنا المصريين".

سيناء أرضنا 

وقال الرئيس عبدالفتاح السيسي" سيناء أرضنا، والقوات المسلحة ستتعامل مع الإرهاب بعنف، ولازم بفضل الله تعالى نضع حد للإرهاب الموجود فيها، احنا نموت كلنا ولا إن حد يقرب من أرضنا والموضوع مش بالكلام.

وأضاف: "مافيش أى تهديد خارجى تخاوفوا منه، وكلامى قليل مافيش تهديد خارجى تخافوا منه، وانا مبخافش غير من حاجة واحدة، منكم انتم يا مصريين طول مانتوا كده "ايد واحدة" ولا حد أبدا هايقدر علينا بفضل الله وهانتحدى الدنيا كلها".

ووجه الرئيس عبد الفتاح السيسى، الشكر للقوات المسلحة التى نفذت مشروعات أنفاق قناة السويس فى الوقت المحدد، معربا عن أمله فى إقامة مشروعات أكبر من ذلك، متسائلا "ما أعرفش الشركات هتبقى مستعدة إنها تشتغل معانا فى المرحلة الرابعة للمترو اللى طولها 14 كيلو متر، وإلا لأ".

وأضاف الرئيس السيسى، خلال حفل انتهاء تنفيذ وتبطين أنفاق قناة السويس، قائلا: "هل مستعدين إنهم يشتغلوا معانا ونعمل لأول مرة فى مصر كل حاجتنا من الأول للآخر بشركات ومعدات مصرية، أنا بقول لهم هاخد المكن من هنا على هناك، لكن لما بنيجى نعمل مشروعات زى كده بناخد قروض من الدول اللى بتمول المشاريع دى، لكن فى الحالة دى بتكون تمويل من الدولة، لكن قدرتها مش قوية على إنها تمول مشروعات بالحجم ده لوحدها، فانتوا محتاجين يبقى فيه تمويل بفائدة مناسبة شوية من البنوك".

وتابع الرئيس عبد الفتاح السيسى كلمته خلال الاحتفال، قائلا: "لن تكون أسعار هذه المشروعات عادية للمستخدم زى ما بتتقدم دلوقتى، أنا بكلمكم بصراحة، هتاخد 30 مليار جنيه علشان تعمل خط مترو أنفاق بس من غير معدات، بالإضافة لـ13 مليارا أخرى معدات، ده مش هينفع إن إحنا نعمله بسعر التذكرة الموجود دلوقتى، ولا بضعف التذكرة، ولا بـ 3 أضعافها بصراحة كده".

ووجه الرئيس حديثه لمساعد رئيس الهيئة الهندسية للقوات المسلحة، اللواء أحمد فودة، بالقول: "لو كنتوا جاهزين دلوقتى يا أحمد أنا جاهز، ادرسوا الموضوع ده وتكون انت المسئول قدامى عنه".

 

لا توجد تعليقات على الخبر
اضف تعليق