أسامة كمال للـ«سيسى»: "بيقولوا عليك خايف يا ريس"

أرسل الإعلامى أسامة كمال، رسالة للرئيس عبدالفتاح السيسي قائلًا " كل مُيسّر لما خُلق له، بأقوله جملة الإمام الشافعى الشهيرة (إذا كان الله معنا فمن علينا، المؤامرة على مصر عمرها مئات السنين ومش هتقف.. وإذا عزمت فتوكل على الله وإنت عزمت وتوكلت فما تقفش وماتديش فرصة لأيمن نور والأضيش الإخوان وبي بي سي والاضيشها انهم يقعدوا يحللوا جملتك ويقولوا إنك خايف وأنا عارف إنك مش خايف.. وانا مش خايف ) مضيفًا أن هناك الكثيرين ليسوا، وتوكل على الله والنهاردة قبل بكرة نجدد العهد أننا مانسيباكش تحارب لوحدك ونقف احنا وانت مع مصر ضد أعداء مصر وضد كل الالاضيش اللي حالفين يضيعوا مصر.. لأن مصر بسم الله مش هتضيع"


وأضاف كمال خلال برنامجه المذاع على شاشة "القاهرة والناس" السيسي أوفى بوعده وكسر الحصار الدولى على مصر، ووفر العديد من فرص العمل للكثير من الناس، متسائلا أن.. بس فين الناس؟"
.
وقال كمال "أشهد أمام الله أن السيسى اجتهد فى الوقت اللى أحنا وقفنا ننتقد وحولنا فكرة الشراكة بين المصريين وبينه لفكرة مبنية على أنه يشتغل كل الشغل وأحنا نتفرج.. إنما نشتغل؟ فى سنة ونص ما شفناش وزراء بتاخد قرارات ولا بتقف مواقف، بتجرى فى الشوارع وبس، ما شفناش رجال أعمال بتغامر، مرة واتنين يقعدوا مع السيسى ويلا نشتغل.. إنما يخلص الاجتماع ثم لا شىء"..