محمد صلاح: «لو لعبت للزمالك لتبخر حلم الاحتراف»

السبت، 12 مايو 2018 12:46 ص
محمد صلاح: «لو لعبت للزمالك لتبخر حلم الاحتراف»
محمد صلاح نجم ليفربول الإنجليزى

قال الدولى المصرى محمد صلاح، نجم ليفربول الإنجليزى، إنه إذا كان قد لعب للزمالك وظل به، لما وصل إلى ما هو عليه حتى الآن، مردفا: "أفتكر لو كنت مضيت للزمالك مكنش زمانى فى المكان اللى قاعد فيه.. واللى أقصده إن الأهلى والزمالك مش بيشوفوا اللاعيبه بتاعتهم تخرج منهم كتير".

وأضاف محمد صلاح، خلال حواره مع الإعلامى عمرو أديب، ببرنامج "كل يوم" المذاع عبر قناة ON E، أن يومه مع ليفربول يبدأ بالاستيقاظ باكرا ليبدأ التمرينات الرياضية، ويحرص دائما على أن يزيد عن بقية زملائه فى الفريق الإنجليزى بساعتين أو أكثر فى التمرينات، مستكملا: "دايما بحب أوجه رسالة لأى حد شايف إنه يقدر يعمل أى حاجة بغض النظر عن الأجواء والظروف الصعبة.. انت تقدر تحققها مش شرط تبقى عارف هتحققها إزاى لكن هتقدر تحققها طول ما أنت مؤمن بنفسك".

وأوضح أنه يعلم أن الشهرة نعمة من الله عز وجل، لكن تقيد صاحبها بعض الشئ، مضيفا: "لكن لما بحس نفسى مضايق.. ببص لنفسى زمان لما كان نفسى أبقى مشهور ونفسى الناس تعرفنى"، مشيرا إلى أنه يحب القراءة بكتب علم النفس فى وقت فراغه.

وكشف عن حبه لعدد من اللاعبين منذ صغره، وهم "النجم البرازيلى رونالدو وزين الدين زيدان وتوتى"، متابعا: "وكنت سعيد بحظى إنى لعبت مع توتى".

لا توجد تعليقات على الخبر
اضف تعليق