أختفاء شرطة المرور بطنطا في ظروف غامضة (فيديو وصور)

الأحد، 27 مايو 2018 10:00 م
أختفاء شرطة المرور بطنطا في ظروف غامضة (فيديو وصور)
شوارع طنطا
شيماء النقباسي

 
 
شهدت مدينة طنطا، منذ بدء شهر رمضان الكريم، اختفاء تام للشرطة المرورية، بمعظم المناطق الحيوية والميادين العامة، نتج عنه أختناق مروري وتكدس للسيارات، خاصة أثناء ساعات الذروة، كما أدى إلى احتلال أباطرة الميكروباص والتوك توك بالشوارع، وتعطيل مصالح المواطنين، مما أطر العديد من المواطنين للقيام بهذه المهمة لتسيير السيارات وفك الاختناق والتكدس. 
 
رصدت «صوت الأمة» حالة الشلل المروري وغياب رجال المرور، وزحف التوك توك لوسط المدينة، وسطوة سائقي الميكروباص دون رقيب، وتعطل مصالح المواطنين.
 
ومن ناحيته، قال سعيد عبدالرحمن، سائق، «بصراحة مفيش نظام، ودا سبب في الخناقات اليومية بين السواقين، اللي يركن في نص الطريق واللي بيسابق علشان يلحق زبون والمرور تواجدة قليل، لدرجة بقيت قرفان أمشي جوه البلد من الزحمة وبدورعلى أي مشوار برة». 
 
وأضاف نصر لاشين، موظف، «الزحمة والتكدس بقى شيء لا يطاق، ومفيش مرور والميكروباص بيقف في أي مكان وعامل زحام شديدة، دا غير التوك توك اللي بقى يدخل وسط المدينة، وأخر بلطجة، واللي يعترض يسمع كلام مش حلو من السواقين». 
 
WhatsApp Image 2018-05-27 at 2.35.22 AM
 

WhatsApp Image 2018-05-27 at 2.35.23 AM
 
وفي نفس السياق، قال عبدالله المنسي، صاحب محل، «الزحمة والخناق بقى شيء أساسي، خاصة في رمضان والناس مستعجلة، وبحكم قعدتي قدام المحل بشوف المشاكل يوميا، وفعلا المرور قليل، أنا علشان الصداع وخوف من اندلاع خناقة، بقوم أنظم حركة السير للسيارات، مش ناقصين وقف حال». 
 
بينما قالت زينب محمود، موظفة، «الشوارع زحمه جداً، أنا كنت بروح بيتي في ربع ساعة ودلوقتي ممكن توصل لساعة في أغلب الأحيان، على ما أوصل البيت في الحر والصيام، فين المرور سايبنا ليه في شهر مفترج كده نتبهدل، مش كفاية الحر وارتفاع الأجرة وبلطجة السواقين». 
 
WhatsApp Image 2018-05-27 at 2.35.18 AM
 

WhatsApp Image 2018-05-27 at 2.35.21 AM
 
وأشار أحمد رزق، عامل، «الجو صعب واحنا صيام، أفراد المرور هيقفوا إزي في الجو دا، المفروض إن السواق يلتزم علشان مصلحته هو الأول قبل مصلحة غيره، بس المشكلة إن محدش عايز يعمل اللي عليه، واحنا كمواطنين بنحاول نساعد علشان ميحصلش مشاكل خناق بسبب الزحمة». 
 
بالمصادفه، عثرت على فرد من أفراد شرطة المرور، وبسؤاله هو ليه مفيش ضباط وعساكر مرور، ابتسم وحاول ينفي صحة كلامي، مرددا «إنتي كده عايزه تأذينا، إحنا موجودين بس الصيام بقى وكل سنه وانتي طيبة».
 
WhatsApp Image 2018-05-27 at 2.35.13 AM
 

 

 
لا توجد تعليقات على الخبر
اضف تعليق