كل ما قاله الرئيس السيسي في الندوة التثقيفية الـ 31 للقوات المسلحة

الأحد، 13 أكتوبر 2019 03:00 م
كل ما قاله الرئيس السيسي في الندوة التثقيفية الـ 31 للقوات المسلحة
الرئيس عبد الفتاح السيسي

تحدث الرئيس عبد الفتاح السيسي  اليوم خلال مشاركته بالندوة التثقيفية الـ 31 للقوات المسلحة المنعقدة بمركز المنارة للمؤتمرات، حول عدد من الملفات والقضايا الهمة لعل أبرزها آخر ما وصلت له الدولة المصرية فيما يتعلق بسد النهضة، وتحركات الحكومة فيما يتعلق بتحلية المياه.

وتحدث الرئيس السيسي عن الأوضاع في سيناء وحجم التحديات التي تواجهة الدولة علي مدار 6 سنوات، مؤكدًا أن فكر الدولة مختلف تماما عن فكر الإنسان العادي، لأن مصر تحل المشاكل على المستوى الوطني، وفقا لحجم التحديات التى تواجهها.


مصر لا تسعى للتدخل

الرئيس السيسي قال خلال كلمته: «إذا كنا بنتكلم عن  الإنجاز واللي اتعمل فيكى يا مصر ميتعملش فى 30 سنة، وحقى هاخده عند ربنا لأنه مطلع وشايف»، مضيفًا: «
إن مصر لا تسعى للتدخل فى شئون دول أخرى، بل تسعى للحفاظ على أرضها ومصالحها وأمنها القومى ، كان لابد للجيش، من وجود خطة للحصول على المعدات، فى ظل التطور الكبير اللى حصل فى العشرين سنة اللى فاتت فى نظم التسليح المختلفة، وهذا تحقق ولكن لم نعلن عن ذلك علشان منديش رسالة الناس تفهمها غلط.. إحنا جيش قادر بترتيب متقدم جدا».

وتابع الرئيس فى كلمته: «الحاجة الوحيدة اللى انت تصر عليها انك متهدش مؤسسات بلدك، وفيه كيانات ونظام ودستور وقانون إلجأله، انما حد يشعلك الموقف يخليك تتحرك، وبقول الكلام ده كله يزول إلا هى وكلنا نزول إلا مصر»، مشيرًا: «كنت مهتم بمصر وأنا صغير أوى.. أكثر من 40 سنة.. ولابد أن نعلم كل التفاصيل عن القضايا.. حتى نستفيد من خلال عرض كل تفاصيل الموضوع.. ولما أقعد مع حد للحوار لازم يكون ملم بكل الموضوع.. وكنت مرة قاعد فى مؤتمر مع حد واقترح أنى نزود دعم بطاقات التموين حتى يحصل الفرد على ألف جنيه.. اخبرته أن الألف جنيه تكلف الدولة فى الشهر الواحد 70 مليار.. وبالتالى لازم نقدر ننفذ ما نقوله.. واللى يقعد معايا لازم يبقى عارف القضية كويس.. حتى نصل إلى إجراءات واضحة لصالح الدولة.. واللى يقولى مقترح بدراسة قوية أنا معاه ويهمنى مصلحة بلدنا.. ومحدش يقدر يزايد على حد.. وكلنا بنحب بلدنا.. ولازم نبقى عارفين كويس أوى إن الصورة تكون مكتملة مع صورة الدولة بالكامل والإعلام جزء منها».  

 

رفض مصطلح التهجير
ورفض الرئيس السيسي مصطلح «مهجرين»، على نقل أهالينا فى سيناء بالمناطق الملاصقة للمناطق الحدودية، قائلًا: «إحنا مهجرناش حد.. كل كملة ليها معنى واللى عملناه فى سيناء ان كان فيه بيوت ومزارع ملاصقة للأنفاق فى قطاع غزة وعشان نتخلص من الموضوع ده كان لازم نخلى كيلو كيلو بمقابل والكلام ده محصلش فى 67.. مليارات ادفعت ومهجرناش حد إدينا فلوس للناس وأزلنا المزارع والمبانى علشان مش هنسمح تكون شوكة فى ظهر 100 مليون.. مضيعناش الناس وبنبنى فى أماكن كاملة مثل رفح الجديدة.. والمجتمعات البدوية اللى قربت تخلص جاهزة، لازم الطيارة تنزل فى سيناء والعريش وبكره تشوفوا».

واستشهد الرئيس السيسي بعدم قيام عمل إرهابى خلال فترة حضورة الجلسة العام للأمم المتحدة فى نيويورك نهاية سبتمبر الماضى، متابعا: «متعملش عمل إرهابى وأنا فى نيويورك لمدة أسبوعين.. هما إدوا الفرصة للهدوء فى سيناء علشان يتحركوا فى مصر وأول ما المسألة فشلت فى مصر كان فى نفس اليوم.. خلو بالكم هما واحد».

وأضاف الرئيس: «الموضوع بتاع سيناء يحتاج مزيد من الجهد والتعاون مع أهلنا فى سيناء والمصلحة واحدة وحجم الأنفاق فى 5 سنوات لم يحدث وبقوله مش من على أهلنا فى سيناء لإن سيناء وأهلها ليها حق وليها فى رقابتنا جميل لازم نرده كمان».

 

أحداث يناير 2011

قال الرئيس عبد الفتاح السيسى، إن أحداث 2011 كان لها تأثيرا سلبيا على تفاقم مشكلة سد النهضة، ولولا أحداث 2011 كان سيكون لدينا فرصة للتوافق حول بناء السد، حتى نحقق كل الاشتراطات التى تحقق المصلحة للدول الثلاثة مصر والسودان واثيوبيا، موضحا أن سكون اتفاق قوى وسهل من أجل إقامة هذا السد، متابعا: "لما البلد كشفت ضهرها ولو مخدوتش بالكم هيتعمل فيكم أكثر من كده.
  

وأضاف الرئيس السيسى، خلال رده على أسئلة المشاركين بالندوة التثقيفية الـ31 للقوات المسلحة، أن الجيش المصرى قادر وقوى، موضحا أن الدولة المصرية تحركت وفى شهر مارس 2015 كان فيه لقاء بين قيادات الدول الثلاث وتم الاتفاق على إعلان المبادئ، وكان من ضمن الاتفاق أسلوب ملئ الخزان وتشغيله، لأن هذا الخزان حتى يولد الكهرباء لابد من وجود نسبة معينة من المياه خلفه 

 

دعم الشهداء

وتابع  السيسى، إن الدولة المصرية تقدم كل الدعم للشهداء من المدنيين قائلا: «بمجرد استشهاد مدنى من العمليات الإرهابية.. بيتم صرف التعويض والمعاش.. القيمة زى الجندى الشهيد.. ده موضوع لو نقدر نعمله هنعمله وهنفذه.. بشكل يليق بينا كمصريين الذين سقطوا نتيجة العمليات الإرهابية».

وأضاف الرئيس السيسى، رد على أسئلة المشاركين فى الندوة التثقيفية الـ31 للقوات المسلحة: "حروب الجيل الرابع تحدى كبير فى المنطقة.. ومحتاجين توعية كبيرة.. وكل أب وأم محتاج يفهم أولاده بأن ما يتعرض له على السوشيال ميديا مش مظبوط.. والكلام بدون أى أساس علمى.. غير الاستهداف من جانب أجهزة وكتائب إلكترونية.. احنا شغالين فى النقطة دى.. جزء كبير يعتمد على توعية المواطنين.. والنهاردة بنشوف أهالى بيحطوا التليفونات قدام الأطفال الصغار.. وجزء كبير من الموضوع يعتمد على التوعية". 


مطمئن على الدولة المصرية
وتابع الرئيس السيسى: «أنا مطمن أوى على الدولة المصرية.. وحد يقولى ليه؟.. انتوا بتصدقوا أن فيه حد يقدر يخدع ربنا.. ياترى ربنا بيساعد المفسد ولا الصالح؟.. ربنا مطلع على مصر وأهلها.. إنها بيسعوا فى الإصلاح والبناء والتنمية.. وأنا قولتلكم من سنين طويلة.. أن مصر شهدت تجلى الله سبحانه وتعالى.. ومصر لها مكانة وشرف.. محدش يقدر يقرب منها.. وهذا يقين.. وليس كل ما يعرف يقال.. الفترة اللى فاتت شهدت إساءة للجيش.. طب تصدقوا.. اللى الجيش عمله فى 10 سنين اللى فاتوا.. مش بس الدفاع هنا ولا هنا.. ما أنا قولتلكم.. لما اتفقت معاهم.. قولولى تترشح.. قولتهم هتشتغلوا زى ما أنا عايز تحت رجلين المصريين.. ولا أقصد بها تعبير سلبى.. ولكن أقصد بها العمل لصالح مصر.. اللى اتعمل من الجيش لبلده فوق الخيال.. ويتكتب فى التاريخ»

 

حروب الجيل الرابع  

وأضاف الرئيس السيسى، ردا على أسئلة المشاركين فى الندوة التثقيفية الـ31 للقوات المسلحة: «حروب الجيل الرابع تحدى كبير فى المنطقة، ونحن في حاجة لتوعية كبيرة.. وكل أب وأم محتاج يفهم أولاده بأن ما يتعرض له على السوشيال ميديا مش مظبوط.. والكلام بدون أى أساس علمى.. غير الاستهداف من جانب أجهزة وكتائب إلكترونية.. احنا شغالين فى النقطة دى.. جزء كبير يعتمد على توعية المواطنين.. والنهاردة بنشوف أهالى بيحطوا التليفونات قدام الأطفال الصغار.. وجزء كبير من الموضوع يعتمد على التوعية»

وقال  السيسى، إن الدولة المصرية تنفذ عقل لها فى العاصمة الإدارية الجديدة، من خلال توفير كل البيانات فى قاعدة شاملة تضم كل شئ على أرض مصر، موضحا أن هذا العقل سيكون متاحا 30 يونيو 2020، وأن هناك بعض الموضوعات التى تظهر نتائجها فى نفس الوقت، وهذا أمر طبيعى نظرا لأن حركة الفرد تختلف عن حركة الدولة، متابعا: "نحتاج منظومة كبيرة لتطوير أنفسنا ونبذل الكثير من الجهود لذلك».

 

لا توجد تعليقات على الخبر
اضف تعليق