في ذمة الله والتاريخ.. نعيد نشر انفراد «صوت الأمة» مع مبارك بعد برائته في مقتل المتظاهرين (فيديو)

الثلاثاء، 25 فبراير 2020 04:50 م
في ذمة الله والتاريخ.. نعيد نشر انفراد «صوت الأمة» مع مبارك بعد برائته في مقتل المتظاهرين (فيديو)
الرئيس مبارك والزميلة دينا الحسيني

انفردت الزميلة دينا الحسيني الصحفية في جريدة صوت الأمة بحوار مع الرئيس الأسبق محمد حسني مبارك في 4 مارس 2017،  أجرتة معه عبر الهاتف بعد ساعات قليلة من حصولة علي حكم البراءة الذى أصدرته محكمة النقض فى قضية مقتل المتظاهرين .

وتحدث مبارك فى الانفراد عن حالته الصحية، وتفاصيل القضايا التي تنتظره بعد البراءة، وعن المكان الذي سيقيم به بعد إنهاء إجراءات الإفراج، وموقفه من الإقامة في شرم الشيخ، وعن إمكانية رجوع علاء وجمال إلى ساحة الإعلام مرة أخرى


وجاء نص المكالمة كالتالي:
- عاوزة أقول للناس أنت هتروح أمته من المستشفى؟

مش عارف هروح أمته

- طيب حضرتك كدة أكيد مش رايح شرم الشيح؟

متتعبيش نفسك معايا 

- هو لسة فاضل قضايا الكسب غير المشروع؟

خليهم مع الكسب غير المشروع خليهم ييجوا ياخدوا اللي حيلتي.

- الله يكون في عونه 

آاااااه والله الله يكون في عونه ادعيله 

-  طيب نطمن الناس على صحتك

ومين اللي قال إني عندي حاجة أنا كويس

- طيب بعد البراءة مين اللي قتل المتظاهرين

مش عارف روحوا اسألوهم إنتي بتسأليني أنا أنا معرفش حقيقي مين اللي قتل المتظاهرين

- أنت مش زعلان أن محطة مترو مبارك اتغيرت باسم محطة مترو الشهداء

-ياستي متجرينيش أنا أنصح منك يكتبوا الشهداء يكتبوا أي حاجة أنا ميهمنيش

- تم الاستعانة بأحد الوزراء في عهدك الدكتور علي مصيلحي.. فما تعليقك؟

انتي ناصحة قوي.. مين علي مصيلحي دا أنا معرفوش 

- دا وزير التموين يافندم

هو فيه تموين؟.. هو فيه وزارة تموين دلوقتي؟

- آه في وزارة تموين يافندم

أنا معرفش والله أنا مبتابعش جرائد

- أيه دا حضرتك مش بتابع جرائد ولا وسائل إعلام خالص؟

أنا مبقراش جرائد خالص .. أنا بقرأ مجلات فرنساوي وروسي وإنجليزي

- بس أنا عارفة أنه حضرتك متابع جيد للصحافة والإعلام يوميا

ولا متابع ولا حاجة أنا مريح مخي منكم

- آه إحنا مزعجين

فعلا أنتوا مزعجين

 

وقد تناولت القنوات الأجنبية، ووكالات الأنباء الغربية انفراد الزميلة دينا الحسيني محررة «صوت الأمة»، ومكالمتها المسجلة مع الرئيس الأسبق مبارك، وأول تعليق له بعد حكم البراءة التي أثارت جدلا واسعا.
 
وتناولت قناة العربية المكالمة تحت عنوان «استمع.. ماذا قال مبارك عن براءته من قتل المتظاهرين؟»، فيما تناولت قناة روسيا اليوم المكالمة تحت عنوان «مبارك لصحفية مصرية: يابنتي حلّي عني أنا مش الريس».
 
WhatsApp Image 2020-02-25 at 4.57.40 PM
 
WhatsApp Image 2020-02-25 at 4.57.41 PM

 

 
لا توجد تعليقات على الخبر
اضف تعليق