فضائح شلة وسط البلد.. وقائع اتهام ناشط بالتحرش في كوريا الجنوبية

الثلاثاء، 14 يوليه 2020 04:36 م
فضائح شلة وسط البلد.. وقائع اتهام ناشط بالتحرش في كوريا الجنوبية
عنتر عبداللطيف

"شلة وسط البلد بقالها فرع في برلين بشخصياتها بتحرشاتها هو مش عايش في برلين هو عايش في ألمانيا أنا برضه مش معايا الإذن بالنشر من صاحبة القصة لخوفها من عواقب ما على عائلتها ومنتظرها هي اللي تنشر أنا بس هانشر شوية معلومات مافيهاش تفاصيل عنها يعني القصة دي كاملة بس أنا حاذف منها التفاصيل اللي بتكشف شخصية صاحبة القصة".. هذا ما كتبه الناشط وائل عباس على صفحته "فيس بوك" وهو ما يأتى فى ظل موجة من " بوستات" وتدوينات اجتاحت مواقع التواصل الإجتماعى عن قصص التحرش.
 
فى السطور التالية نروى تفاصيل اتهامات في واقعة تحرش أبطالها أعضاء بحركة ما تسمى 6 أبريل يعيشون فى كوريا الجنوبية وهى الواقعة التى كشفتها سارة عزام قائلة فى بوست لها:" أنا اتعرضت للإبتزاز الجنسي بفيديوهات جنسية ليا والتحرش اللفظي أكتر من مره من شخص عايش هنا في كوريا الجنوبية عضو حركة ٦ إبريل (معرفش لسه فيها ولا استقال) هرمز لإسمه ب أ.ص عشان أسباب شخصية.

البوست ده عشان أفكر نفسي دايماً ان الغلط مش عليا أنا لما يتم ابتزازي جنسياً ومحدش كبير علي التحرش والإبتزاز لإني خدت أكتر من سنتين اهو عشان اعترف ان ليا مواد جنسية تم سرقتها وابتزازي بيها واقتنع ان ده مش ذنبي واخف التقل ده عن قلبي شوية.

Capture
 

 

تضيف:" وبما إن الكلام عن التحرش والإغتصاب والإبتزاز الجنسي Traumatizing جداً بالنسبالي فالتروما فتحت في وشي للأسف ومعرفتش اهندلها وقعدت يومين صاحية للساعة 4 صباحاً وبيجيلي كوابيس لغاية ماحصل الكابوس بجد ولقيت صحابي باعتينلي اسكرينات للشخص ده وهو بيكتب ضد التحرش الجنسي وضد الإغتصاب وبيدعم اختيارات المرأة!! فقررت ابعت مسج إمبارح لكل الناس اللي يعرفوني ويعرفوه وأصدقاء مشتركين قلتلهم فيها انه أ.ص إبتزني جنسياً من حوالي سنتين وبعتت لمعظمهم الاسكرينات وهو بيقول انه هيرفع فيديوهاتي لكل مواقع البورنو واني بطالبهم ياخدوا موقف في اللي حصل، وببساطة يا يعرفوني أنا أو يعرفوه هو لكن انا مقدرش يكون بيننا أصدقاء مشتركين أبداً ولا معارف ملتزمة بالحياد في قصة زي دي".

تابعت:"من حوالي سنتين ونص كنا مستضيفينة أنا وصاحبي في بيتنا عشان يعمل عقد سكن علي بيتنا ويقدر يجدد الفيزا وأنا كنت قاعدة أكتر من شهر مبشتغلش وهو كمان مكانش بيشتغل وكان صاحبي بيشتغل وبنبقي أنا و أ.ص لوحدنا، المهم كان بيطلع منه تصرفات مريبه وتضايق جداً وانا قررت اصنفها بعدها بمدة علي إنها تحرش لفظي لإن عقلي ساعتها دخل مرحلة denial وقعدت اقول لأ مستحيل يبقي اللي ف بالي ده صاحبي وزي اخويا".

وحكت قائلة: "تاني موقف كان بيشرب كحول وقالي انه ممكن يتجوزني عشان يديني الإقامة الإنسانية اللي معاه، وانا تنحت برده لإن واضح اني مرتبطة بصاحبه وقلتله لأ انا مش يوم ماتجوز هتجوزك انت بلس اني معنديش مشاكل ف الإقامة وهو قلب الكلام هزار كالعادة وانا معرفتش مفروض اتصرف ازاي وحاولت اشوفها بنية حسنة وبردة مبلغتش صاحبي وقتها عشان خايفه انهم يتخانقوا لغاية ماعرفت انه عرض نفس العرض علي ست تانية كانت عايشة في كوريا وعرفت وقتها ان ده نمط أ.ص ماشي بيه ومش حاجة فردية أبداً"

وتابعت "وخلال الفترة اللي قعد عندنا فيها كان دايما مهووس بتفاصيل حياتي الجنسية، زي انه بيسأل أسئلة شديدة الخصوصية عن حياتي الجنسية مع صاحبي ومع الإكس بتاعي وزي انه مهتم جداً يعرف انا انفصلت عن الإكس إمتي وارتبطت بصاحبي إمتي وكان فيه فترة زمنية أد إية بين ارتباطي بده وانفصالي عن ده ووصل بيه الأمر انه كان بيقلب في تليفون صاحبي واحنا نايمين عشان يعرف تحديداً احنا كنا بنفليرت علي بعض من إمتي وبنبعت لبعض صور عاملة ازاي وقعد يحفظ الشات في دماغه لسبب لايعلمه الا الله وبعدها يروح يسهر مع الإكس بتاعي ويقوله ساره ارتبطت بفلان وانا قلت اقولك عشان مبقاش"...." عليك وبينهم فيديوهات و و و علي أساس يعني ان جسمي ده مش ملكي ومفروض اخد البيرميشن من الإكس بتاعي!!"

وأضافت "وخرج من بيتي بعدها قال لأصدقاء مشتركين في قعدة ونس إنه كان سامعنا بنعمل جنس كذا مره وهو عامل نفسه نايم بس هو في الحقيقة كان صاحي وسامع!! يعني حتي حرمات البيوت ميعرفش عنها بجنيه ومقدّرش اننا كسرنا خصوصية بيتنا الصغير جداً وحياتنا كلها عشان نستضيفة في ظروف مهببة علي الكل، ولما الناس بعتوله المسج بتاعتي امبارح يسألوه عنها كان رده كالعاده شوية لخبطة علي قلب ترابيزة ومردش ولا رد واحد منطقي عن سبب ابتزازه ليا ولصاحبي وسبب سرقة مواد جنسية من تليفون خاص شخصي !! وطبعا حادثة انه ابتزني جنسياً بفيديوهات خدها من موبايل صاحبي واحنا نايمين ده كان من سنتين ونص فاتوا يعني قبل ما يتحجز بحوالي سنه ووقتها مكانش فيه أي مشاكل بيننا واضحة ليا بدليل انه سرق الحاجات دي وهو في بيتنا أصلاً وبناكل سوا ونقعد سوا"

وتابعت: "يعني لو حصل حاجه بالتبعية لحاجة تانية فهيكون انه ابتزني الأول جنسياً وبعدها سجنته (علي حسب ادّعاءة) رغم انه لغاية دلوقتي مطلعش ولا ورقة واحدة يقول بيها اني قدمت بلاغ ضده ورغم ان سجنه شرف لا أدّعيه الحقيقة وكان نفسي فعلا يبقي مسجون بسبب فيديوهات التحريض علي التحرش اللي عملها واستفاض يشرح للشباب ازاي يتحشروا بالبنات الكوريات في النايت كلوب بدون مايتقفشوا ولا الشرطة تمسكهم ويقول "عيط أوي لو طلبولك الشرطة وقول انا لاجئ وغلبان ومسلم وهي عنصرية مستقصداني".

وأكملت "المهم أ.ص بعدها عمل ضدي حملة تشهير طالت كل شئ في حياتي تقريباً وطلع عليا إشاعات مشينة ميرضاش بيها حد ومعليهاش ولا دليل واحد وسرب عنوان باسبوري وفجأة لقيت صديق ل أ.ص كاتب عنوان باسبوري انبابليك عشان علي حسب كلامه اني ماشية علي حل شعري ولازم يردوا علي راجل ف عيلتي ويقولوله يلمني ومحدش كان فاهم أبداً انا عملتله إيه عشان يعمل كل ده والناس كلها كان نفسها تفه وانا قررت اقول للناس اهو إيه اللي انا عملته "أنا رفضتة ورفضت قلة أدبة وطلبت منه يلتزم حدوده معايا".

وقالت في روايتها "غير طبعا صدمتي ان صديق قريب يعمل البلاوي دي ويبقي منحرف بالشكل ده ويتطاول عليا بالشكل ده لدرجة احتجت فيها جلسات علاج نفسي والإكتئاب حاوطني تماماً وسيبت شغلي ومقدرتش اكمل فيه نفسياً، لكن صدمتي الحقيقية كانت لما شفت كلامه وهو بيدعم الستات واختياراتهم وضد التحرش والإغتصاب وبيكتب عن النسوية وعامل فيها نسوي انا كنت هعيط والله وصدعت جداً والدم كان شوية وهينط من عيني"

تضيف: "تقولولي مبلغتيش ليه؟ وقتها ناس اتدخلت في الموضوع من مصر ومن كوريا عشان يحلوا المشكله وأقنعوني بشكل ما انه ريتاردد وعقلة مش أد كدا يعني ومحتاج يدخل مصحة نفسية مش يدخل السجن وصديق وقتها اتدخل وقعد يقولي اصلها حاجه غير أخلاقية نقدم بلاغ فيه وهو في الحجز وممعهوش إقامه واصبري لو طلع من الحجز وحاول يأذيكي تاني هتكلم انا واحكي الحقيقة كلها، وانا ربنا ياخدني سمعت منهم وصعب عليا وقلت أكيد مش هيعمل أسوأ من اللي عمله وشكله ريتاردد فعلاً وبعد ماطلع من الحجز رجع يشهر بيا تاني ويتحرش بيا تاني تحرش غير جنسي بس ده كان في وقت سايبه فيه شغلي بسبب كورونا وعندي أولويات أهم من الخناق معاه وتخيلت انه هيدرك أخطاءة لكن اتفاجئت بالمصيبة امبارح ان الراجل شايف نفسه معملش أي حاجه ومغلطش ومتحرشش ومبتزنيش جنسياً رغم ان الشات بتاعه لسا معايا من أكونته واسكرين ريكورد وموجود معرفش بيكدب ليه"

تابعت: "أخيراً بقا.. أ.ص مكانش في سجن حكومي ومكانش مسجون بحكم محكمة ، أ.ص كان في مكان اسمه detention center وده مكان مخصص لاحتجاز للناس الكاسرين فيزا لكن عندهم قضايا سواء لجوء أو جنائية ولم تبت المحكمة في أمرها فمينفعش الإيميجريشن يرحلهم لبلادهم يعني لا فيه حكم محكمة في الفيديوهات اللي عملها ولا فيه سجن حقيقي مثلا كان مسجون فيه ولا فيه قضية اسمها قضية فيديوهات ولا كل الهري ده والسبب الحقيقي لاحتجازة اللي هو قرر يكتبه بعد ماخرج من الحجز انه كان أوڤر ستاي يعني كاسر فيزا ومكملش أوراقه كلها وهو بيجدد الفيزا ومفيش حاجه في القانون الكوري كله اسمها تأجيل تجديد الفيزا زي ماهو كتب ولكن الإجراء المتبع ان لما حد بيروح آخر يوم في الفيزا عشان يجددها بس ورقة مش كامل، بيسلموه ورقة مدة صلاحيتها ٣٠ يوم يجهز فيهم ورقة ويرجع تاني وهو علي حسب ماسمعت مكانش عارف ان الورقة دي مدتها ٣٠ يوم بس ومترجمهاش وغاب شهرين ولما رجعلهم بالورق بتاعه كان كاسر فيزا بقاله شهرين فاحتجزوه بس بدال مايعترف انه مكملش ورقه وكسر فيزا قرر يقول ساره عزام بلغت عني وسجنتني وصحابه في مصر بعتولي تهديدات جادة أكتر من مرك"

تضيف: "وأنا قررت اليومين دول اقول حقيقة اللي حصل رغم اني مكنتش ناوية أبداً بسبب إحساس العار اللي فضل ملاحقني سواء كان عشان اتعرضت للتحرش من صديقي أو للإبتزاز الجنسي بفيديوهات ليا أو للتشهير أو للوصم واني كنت خلال كل ده مدمرة نفسياً ومتأثرة بكلام أصدقاءه اللي اتدخلوا وقتها وتعرضت للوم كتير عشان اختارته كصديق ودخلته حياتي البوست ده كمان بمثابة إقرار للمرة التانية اني مش هقبل أي موقف حيادي بخصوص الموضوع ده ولا هقبل معارف مشتركين من اللي بينحازوا للراجل في قلة أدبة عشان شايفين اني استاهل وأد إيه تقيل علي قلبي ان احكي الكلام ده تاني قدام الجميع".

الرد على اتهامات التحرش

من جانبه رد أحمد صلاح المتهم بالتحرش على سارة  قائلا: "بعد المحضر واتخاذ الطريق القانوني , نبدأ الرد اولا انا مكنتش ضيف عندها انما صاحب مكان و انا و عبدالله اللي دفعنا و اتخانقنا بعد كده على الايجار و هي مدفعتش حاجه , ثانيا احنا كنا قاعدين في اوضة واحده و بننام على فرشه واحده  و احيانا اعمل نفسي نايم و احيانا اسيب المكان و انزل و ده تصرف قذر لإني كنت بشتغل و عبدالله هو اللي مكانش بيشتغل يعني ممكن يعملوا ده في وقت تاني" .

وأضاف "أنا فعلا اتكلمت مع اصدقاء مشتركين في الموضوع ده و منهم واحد قعدوا عنده في اوضته شهرين و بعدين قالوا انه اتحرش بيهم مرات و مرات ا و هو رد و قال انهم "..." و انه كان بيهينهم و بيقل بيهم لا اكتر و في اسكرينات ما بينهم بتثبت ده .ده كان واحد من الاسباب اللي خلتني بأكد عليها بشكل جاد جدا انها تغطي صدرها  السبب التاني انها كانت رسميا متزوجه من شخص نعرفه و كان ليه إدعاءات عليها و لما عرف اني عايش معاهم اتخانقنا سوا و اتهمني اني شريكهم".

تابع :"انا معرضتش عليها الجواز لإنها فعلا متجوزة و كانت مرتبطه كمان و انا برضه كنت مرتبط ببنت كورية ازاي هرتبط بواحده متجوزة و مرتبطه ،أما بالنسبة لادعائها بالابتزاز الجنسي مش هقول غير انهم صوروا الفيديوهات بموبايل شاحتينه من صاحبهم اللي كانوا عنده قبل ما نعيش سوا و انه خد موبايله تاني بعد ما اتهموه بالتحرش" .

Capture
 
 

وأنهى دفاعه قائلا "أنا بتحداها توري صحابها اللي مستخبيين في الانبوكسات النص الكامل للرساله اللي بتزعم اني ابتزتها بيها ، و هتعرفوا انها كدابة  بالنسبة للفيديوهات بتاعتي فهي استمرت على الفيس 3 شهور و ده لإنها لم تخالف قوانين الفيس بوك و لإن غالبية اللي شافوها مشافوش فيها تحريض حقيقي رغم سوء مستواها اللي أنا بعتذر عنه طبعا ، و ده اللي خلى مراكز حقوق ااانسان و العديد من المحاميات يتضامنوا معايا الخلاصه : أنا مكنتش ضيف أنا مطلبتش منها الزواج . ولم ابتزها و يا ريت توري صحابها الاسكرينات كاملة" .

 

 

لا توجد تعليقات على الخبر
اضف تعليق


الأكثر تعليقا