حمو بيكا لأمير الغناء هاني شاكر: "واثق في طيبة قلبك وإنك مش هتقبل اتسجن"

السبت، 14 نوفمبر 2020 06:51 م
حمو بيكا لأمير الغناء هاني شاكر: "واثق في طيبة قلبك وإنك مش هتقبل اتسجن"

استجدى مطرب المهرجانات الشعبية حمو بيكا، بالفنان هانى شاكر، أمير الغنائي العربي ونقيب الموسيقيين، متمنياً تقبل اعتذاره وإنقاذه من مصير السجن أو خراب عمله وأكل عيشه، طالباً منه أن يتقبل اعتذاره وتوجييه للطريق الصحيح.
 
وكتب بيكا، عبر صفحته الرسمية على فيسبوك: "رسالة لأستاذ هانى شاكر، بتمنى منك أنك تقبل اعتذارى، وإنك تعتبرنى زي ابنك أو أخوك الصغير، واثق جدا فى طيبة قلبك وانك مش هتقبل انى اتسجن أو حتى حياتى تدمر عشان بحب اكل عيشى، أتمنى ان تقبل اعتذارى وتوجهنى للصح".
 
وقدم حمو بيكا، مؤخراً اعتذارا للفنان هانى شاكر نقيب الموسيقيين وأعضاء مجلس النقابة، مردفا: "مكانش قصدى أعمل مشكلة وكل هدفى إنى أوصل صوتى لهانى شاكر، مكنتش أقصد أعمل أى حاجة تزعله".
 
وقال حمو بيكا، خلال مداخلة هاتفية لبرنامج "كلمة أخيرة"، على فضائية  "ON"مع الإعلامية لميس الحديدى، تعليقا على فيديو يعتذر فيه لهانى شاكر: "مش عامل الفيديو ده عشان القضية والحكم، طول عمرى بحب الناس والناس بتحبنى، ولو مكتوبلى اتحبس هتحبس ولو مكتوبلى براءة هاخد براءة، وهو زى أبويا وماينفعش أزعق لأبويا".
 
وتابع حمو بيكا: "المحامى عمل استئناف يوم 25، ولازم أحضر، هانى شاكر بحبه وهو محترم جدا، وهو يحطنى فى مقام ابنه، ولو أنا غلطت بتأسف له واعتذر له، وهفضل أعتذر له مدى حياتى، ربنا غفور رحيم ولازم كمان يغفرلى، واتوسطت لناس كتير ومحدش رد عليا"، مضيفاً: "كتر المهاجمة عليا جابتلى حالة نفسية، ببص قدام المراية بقول هو أنا بلطجى ولا بعمل حاجة غلط خلونى بكلم نفسى، هو أنا غلط ولا الناس فاهمانى غلط، الناس فى الشارع بيحبونى، بيقولولى شخص طيب".
 
وردا على سؤال الإعلامية لميس الحديدى حول إنشاء موقع لأخبار المهرجانات قال: "بعمل صفحة كبيرة عليها أكثر من 30 مليون بجيبها من برة، عشان ندافع عن نفسنا مش نهاجم حد".

 

لا توجد تعليقات على الخبر
اضف تعليق