ريهام سعيد تتصدر التريند بعد نصائحها للمتزوجات وتصريحها "الدنيا هتتقلب عليا"

تصدرت الإعلامية ريهام سعيد التريند على محرك البحث جوجل وذلك بعد تقديمها للعديد من النصائح للسيدات المتزوجات، ليأتي حديث ريهام سعيد، مختلف عما سبق.

 

ماذا قالت ريهام سعيد؟

قالت ريهام سعيد "زمان وأنا صغيرة كنت أقول اللى مش مرتاحة مع زوجها لازم تتطلق.. واللى مش عايشة ملكة لازم تتطلق، ومينفعش تبقى قاعدة عشان بيتصرف عليكى"، مستطردة: "عارفة بعد كلامي الدنيا هتتقلب عليا".

 

وخلال برنامجها "صبايا الخير" المذاع على شاشة "النهار" قالت ريهام سعيد: "تعرضت للطلاق في العشرين من عمرى، وكنت واخدة الموضوع كأني بطلة إني عملت كدا.. وأؤكد أنه شيء مؤلم أن تعيش المرأة حياتها بدون تفاهم من زوجها، ولكن الأكيد أن هناك طرقا أخرى بخلاف الطلاق، وبعد ما كبرت.. بدأت أغير كل الكلام اللى كنت بقوله لما بدأت في المحور من 20 سنة.. أوعي تتطلقى ولا تمشى ورا اللى بيقول كرامتك وشكلك ومش عارف إيه.. لا.. وخصوصًا حينما يكون لديكم أطفال.. يجب الوصول لحل بلا خناقات، وأن يتم تجنب الطلاق.. يجب الوصول لحلول مرضية لكافة الأطراف".

 

ريهام سعيد ...الدنيا هتتقلب عليا

وواصلت ريهام سعيد: "نتفق على الأدب وعدم الضرب والشتائم.. عارفة الدنيا هتتقلب عليا.. وأوقول للزوجات لا توافقي على الشتائم والضرب.. لكن سامحي.. سامحي عشان ولادك.. ودى تحتها سبعميت ألف خط.. تربية الأولاد بين آبائهم ستكون مختلفة.. لما الأولاد يعيشوا مع أبائهم فهذا أمر لا يقدر بثمن".