شادى ردا على بيان «أبلة فاهيتا»: «خصومى ضعاف وتافهين أوى»
الجمعة، 05 فبراير 2016 08:00 م
قال شادى حسين مراسل برنامج «أبلة فاهيتا»، تعليقا على بيان «أبلة فاهيتا»الذى اعتذرت فيه عن واقعة الواقى الذكرى: «عزيزتي أبلة فاهيتا، إنتى مش من خصومى علشان أزعل منك أو أسامحك، خصومى هم اللى خلوا خوفك يجبرك تقولى كلام غير طبيعتك اللى أنا متعود عليه، حطولك سقف على برنامجك ومانعينك تسخرى من حاجات كتير كان نفسك تقوليها وقصقصوا فى تقاريرى لما كنت معاكى».
وأضاف حسين، عبر حسابه الشخصى بموقع التواصل الاجتماعي فيس بوك، أن «خصومى اللى وقفوا برنامج باسم يوسف ومنعونا حتى نضحك على بلاوينا.. حكموا بـ3 سنين سجن على صديقى عمرو نوهان بسبب صورة ساخرة..خطفوا مصطفى ماصونى وغيره كتير ومش عارفين مكانهم ولا عارفين هم عايشين ولا أموات».
وتابع: «خصومي بيهددوا الفنان أحمد مالك رغم اعتذاره بعدم الظهور مجددا لاستكمال مشواره الفنى بمجرد مشاركته معى فى الفيديو الساخر وبيهددونى إنهم هيأذونى انا وأهلى».
وأختتم بيانه: «عزيزتي أبلة فاهيتا خصومى ضعاف و تافهين أوى، وبيتقمصوا من الهزار وكيانهم بيتهز من كوميكس أو فيديو 120 ثانية.. فا إشطة يعني الموضوع ميستحقش الاعتذار».
