الموسيقار هاني فرحات: رفضت دخول الطيران وساهمت فى تغيير الموسيقى من الألفينيات
الثلاثاء، 01 يوليو 2025 06:34 م
استضاف برنامج "الستات مايعرفوش يكدبوا" المذاع على قناة سى بى سى، الفنان والموسيقار الكبير هاني فرحات للحديث عن أعماله وحياته.
وقال هانى فرحات: "تربيت فى بيت بيسمع الموسيقى ويهواها، ولما أنهيت الثانوية العامة والدى كان مقرر ألتحق بالطيران، لكن أنا كنت خلاص انبهرت بالموسيقى، ودخلنا فى جدال، ولكن والدتى الله يرحمها وقفت معايا وساعدتنى أعمل اللى أنا عايزه".
وأضاف هانى فرحات:"درست الموسيقى بشكل أكاديمى، وكنت شايف إن فى مشكلة وهى أننا بنعزف موسيقى واحدة، وتساءلت ليه ميكونش فى ألوان تانية؟ واللى تعلمته طبقته أول حاجة فى أغانى لعمرو دياب، والناس قالت دا تغيير للصوت الموسيقى ولون جديد فى الموسيقى مع ظهورى والجيل بتاعى".
وتابع هانى فرحات: "فضل ربنا كبير عليا أنه منسوب ليا إنى من اللى ساهموا فى تغيير الموسيقى من الألفينيات، وكنت أول عربى أقود أوركسترا فى الملكية البريطانية، وأوركسترا طوكيو وأوركسترا سيدنى".
