أحمد الجنايني لـ "منة شلبي" بعد صحاب الأرض: مبروك من قلبى حقيقى فخور بيكى
الأربعاء، 04 مارس 2026 06:48 م
هنأ المنتج أحمد الجنايني زوجته النجمة منة شلبي بعد انتهاء حلقات مسلسل صحاب الأرض، حيث نشر صورة تجمعهما عبر حسابه على فيس بوك، معلقا عليها: مبروك من قلبي أنا حقيقي فخور بيكي، صحاب الأرض مش مجرد مسلسل ده عمل بيحكي قضية مهمة بصدق وشجاعة، عمل هيعيش سنين كتير.
وتابع: منة شلبي مبروك النجاح الكبير ومبروك على الأداء الصادق والقوي، وعلى اختيارك دايمًا للأعمال اللي ليها معنى وتأثير، ربنا جزاكي على قد مجهودك وتعبك، وشكرًا على احترامك وإخلاصك في شغلك.
كما أشاد بالمخرج بيتر ميمي، قائلا: دكتور بيتر إيه الحلاوة والجمال ده، قدرت توصل الإحساس لدرجة إني حسيت إني عايش معاناتهم وصمودهم، وعمر ما كان الإحساس ده هيوصل من غير مخرج وممثلين موهوبين جدًا ومؤمنين بالقضية اللي بيقدموها، وصورة وديكور وملابس خلّونا نحس إننا عايشين معاهم وموسيقى أكثر من رائعة، وكل ده ما كانش هيحصل من غير إنتاج قوي جدًا واقف ورا مشروع مهم زي ده دينا كريم وأحمد طارق، كل الشكر و التقدير لكل صُنّاع هذا العمل على تقديم قصة تستحق أن تُروي، مبروك.
قصة مسلسل صحاب الأرض
مسلسل صحاب الأرض يتناول الوضع الإنساني لسكان غزة بعد حرب 7 أكتوبر، ويجسد إياد نصار من خلاله شخصية رجل فلسطيني يلهث لإنقاذ ابن شقيقه وسط أهوال القصف، وتجسد منة شلبي شخصية طبيبة مصرية تأتي مع قافلة الإنقاذ، وفي قلب الدمار تولد علاقات حب وأمل وضمير وتتقاطع قصة حب إنسانية من مأساة الحرب.
أبطال مسلسل صحاب الأرض
مسلسل صحاب الأرض بطولة إياد نصار، منة شلبي، كامل الباشا، آدم بكري، عصام السقا، وتارا عبود، سارة يوسف، إياد حوراني، ديانا رحمة، والفنان الصاعد يزن عيد، الطفل سمير محمد، وعدد أخر من الفنانين وضيوف الشرف، وهو معالجة وسيناريو وحوار عمار صبري، وتطوير السيناريو والحوار محمد هشام عبية، وإخراج بيتر ميمي، وإنتاج الشركة المتحدة United Studio.
