محمد عطية لـ«الزملكاوية»: «الأهلي لو بطل كورة مش هتحصلوا بطولاته»

سخر الفنان محمد عطية، من تعليقات مشجعى النادى الزمالك بعد خروج النادى الأهلي من البطولة، ، وفوز نادي الزمالك بدوري أبطال أفريقيا ووصولة إلى نصف النهائي، ووجه لهم رسالة شديدة اللهجة أثارت غضب الكثير منهم.

وكتب عطية عبر حسابه بموقع التواصل الإجتماعي «فيسبوك»، ليرد على بعض من جمهور الزمالك الساخرين ، قائلاً: «أنا ماكنتش عاوز أتكلم .. بس لاحظت إن كل الزمالكاوية اللي عندي علي التايم لاين مركزين مع الأهلي حتي و هما كسبانين .. معلش أنا مقدر شعورك كزملكاوي و إنت الإنجاز بالنسبالك الصعود لنصف النهائي وعارف إنك محدث فوز وده شعور جديد بالنسبالك .. و شايف كمان إفيهاتك اللطيفة اللي من عينة الأهلي قادم .. علي أساسا إنك كرييتف وكده .. فاهم كمان إنك بتحاول تقنع نفسك إنك منافس للأهلي و كده».

وتابع: «عاوز أشرحلك بس كلمة منافس دي .. منافس يعني لو أنا في سباق معاك أخاف أقع خطوة واحدة أو نص خطوة فتحصلني أو تسبقني .. الأهلي يا حبيبي لو الصبح كده قفل النادي و بطل كورة ١٥ سنة و إنت كسبت كل حاجة .. برضة مش هتحصل بطولاته و لا هتبقي قده .. فيا ريت تركز شوية مع الإسماعيلي .. الإتحاد ... المصري ... دول المنافسين بتوعك يا حبيبي ».