القرارات الاقتصادية الصعبة سبيل قوة مصر: "هنستحمل أكتر.. هنطلع قدام"

قرارات اقتصادية صعبة اتخذتها الدولة خلال الفترة الماضية إلا أنها جاءت بثمارها الطيبة خلال الأيام الجارية، وهو ما أكد عليه الرئيس عبد الفتاح السيسي سابقا وفى كل وقت، على أن المواطن المصري فى القريب العاجل سيلمس آثار تلك القرارات والشعور بقدر كبير من التحسن فى الأوضاع المعيشية والتنموية التى تقوم بها الدولة، ليعود اليوم ليؤكد عليها.

السيسي: كل ما هنستحمل أكتر كل ما هنطلع قدام أكتر

فقد قال الرئيس عبد الفتاح السيسي، رئيس الجمهورية، والقائد الأعلى للقوات المسلحة، إنه «على الشعب مواصلة صموده لاستمرار عمليات التنمية التى بدأتها الدولة خلال الفترة الماضية، كل ما هنستحمل أكتر كل ما هنطلع قدام أكتر، وأوعوا تفتكروا إن النجاح سهل، والنجاح بيجى بالعرق والتعب والجهد».

الرئيس السيسي: إحنا شغالين بكافة الإتجاهات فى وقت واحد

وأضاف السيسي، خلال كلمته بمؤتمر افتتاح مشروعات تنموية بمدن ومحافظات القناة: «إحنا مش سايبين مجال مأجلينه لمرحلة، وإحنا شغالين بكافة المراحل فى وقت واحد، ومتقلقوش، وإنتوا تخوفوا الدنيا كلها».

وطالب الرئيس عبد الفتاح السيسي، الشركات المساهمة فى حفر أنفاق قناة السويس الجديدة بالعمل جنبا إلى جنب مع الشركات المصرية حتى النهاية، قائلا: «مستعدين إنه يشتغلوا معانا ونعمل ولأول مرة فى مصر كل حاجتنا من الأول للأخر بشركات ومعدات مصرية، بس أنا بقولهم هاخد المكن من هنا على مشروعات تانية، لأننا لما بنيجى نعمل مشروعات زى كده بناخد قروض من الدول التى تمول هذه المشاريع، لكن فى هذه الحالة بتكون تمويل من الدولة، ولكن قدرتها مش قوية على إنها تمول مشروعات بالحجم ده لوحدها، فانتوا محتاجين يبقى فيه تمويل بفائدة مناسبة شوية من البنوك».

السيسي: "مش هاينفع نعمل مشروعات مترو بسعر التذكرة الموجود دلوقتى"

وأوضح الرئيس عبدالفتاح السيسي فى كلمته خلال حفل انتهاء تنفيذ وتبطين أنفاق قناة السويس، أنه «لن تكون أسعار هذه المشاريع عادية للمستخدم، زى مابتتقدم دلوقتى، أنا بكلمكوا بصراحة، هاتخود 30 مليار جنيه علشان تعمل خط مترو أنفاق بس من غير معدات، بالإضافة إلى 13 مليار أخرى معدات، ده مش هاينفع إن إحنا نعمله بسعر التذكرة الموجود دلوقتى، ولا بضعف التذكرة ولا بـ 3 أضعافها بصراحة كده».

ووجه حديثه لمساعد رئيس الهيئة الهندسية للقوات المسلحة، اللواء أحمد فودة، لو كنتوا جاهزين دلوقتى يا أحمد أنا جاهز، إدرسوا الموضوع ده وتكون إنت المسئول قدامى عنه.

السيسي: أنفاق قناة السويس كان مخطط إنهائها فى 12 عام لكن تم ضغطها فى عامين

وشملت أيضا تأكيدات الرئيس، أن مشروعات الأنفاق بقناة السويس كان من المقرر لها أن تأخذ 12 عاما للانتهاء منها، لكن هناك عبئ على الشركات المنفذة.

وأضاف السيسي، خلال افتتاحه عدة مشروعات قومية وخدمية في الإسماعيلية: «وإن شاء الله فى 30 يونيو 2018هنعبر من تلك الأنفاق، ودا بقى واقع بنشوفه، أوعوا تتصورا إن اللى اتعمل فى الأنفاق دا عمل بسيط، دا صعب جدا، والشغل تم 100% بأيدى خبراء ومهندسين وعمال مصريين».