الرئيس السيسي من جامعة القاهرة: «لو رفضتم الإصلاح الاقتصادي.. هاتخرب»

 

شدد الرئيس عبد الفتاح السيسي، على ضرورة استيعاب المواطنين لمنظومة التعليم الجديدة، كما طالب الإعلام بضرورة تكثيف الشرح وإلقاء الضوء على منظومات التعليم والصحة والإصلاح الإدارى، خاصة أنها الملفات الأبرز خلال الـ 4 سنوات المقبلة.

 

 

وطالب السيسي، خلال جلسة «استراتيجية تطوير التعليم»، ضمن فعاليات المؤتمر الوطنى السادس للشباب، بجامعة القاهرة، الشعب المصرى بضرورة تحمل إجراءات الإصلاح الاقتصادى، متابعا: «لو أنتم رفضتوه مش هيكمل وهتخرب.. هنعمل إيه!.. أنتم من سيتحمل النجاح والفشل أيضًا بجانب الدولة».

 

 

وأوضح الرئيس، أن فلسفة التعليم الجديدة تؤكد أن الإنسان مرن ومثقف ومحب للدنيا والحياة وأهلها وناسها، مضيفا: «سنفعل كل ما بوسعنا لإنجاح العملية التعليمية».

 

 

وتابع السيسي: «منذ 4 سنوات قلت معقول إن المدرسين اللى عندنا يكونوا فى حوجة! لو عاوز أزود المعلم  ألف جنيه عاوز 15 مليار جنيه فى السنة عشان أخليه بقدر الإمكان ميبقاش محتاج، ونفس الكلام ينطبق على أى فئة أخرى، وبالتالى هل الباقى مستعد يضحى ويقبل بزيادة رواتب المعلمين وميقلش إدينى أنا كمان! هيقولوا كلنا تعبانين وعاوزين ودى هتبقى مشكلة».

 

 

وفى رسالته لكل معلم ومعلمة، قال: «عاوز أخلى بالى من كل إنسان فى مصر.. بس غحنا كمان قادرين نخلى بالنا!.. هذه هى إشكاليتنا».