الرئيس يوجه بازالة المطبات الصناعية بالطرق.. ويؤكد: مؤذية وتعطل حركة السير

الأحد، 09 سبتمبر 2018 11:45 ص
الرئيس يوجه بازالة المطبات الصناعية بالطرق.. ويؤكد: مؤذية وتعطل حركة السير
السيسي خلال افتتاح أحد المشروعات في وقت سابق

شدد الرئيس عبد الفتاح السيسى، على ضرورة رفع كفاءة شبكات الطرق بالمحافظات، موجها بالتعامل مع المطبات الصناعية الموجودة بالمحافظات ووصفها بـ«المؤذية» التي تعيق الحركة لأن مواصفاتها غير جيدة.

وقال الرئيس اثناء افتتاح عددا من مشروعات الطرق بعدد من المحافظات عبر الفديو كونفرانس: «أنا واخد بالى كويس.. ولو بنتكلم على إن رفع كفاءة شبكة الطرق داخل المحافظات تتطلب 16 مليار، فاحنا عاوزين أكتر من الرقم ده مرة واتنين وتلاتة، حتى يجد المواطن طريقًا مناسبًا.. إحنا واخدين بالنا.. بس حجم المطلوب لرفع كفاءة هذه الطرق ضخم جدًا».

وتابع: «المحافظين هيقولوا لى هنجيب فلوس منين، طيب وأنا بجيب فلوس منين؟.. طيب اللى بيتعمل ده منين.. كل ما نقوم به فى شبكة الطرق ليس بجديد، ولم نخترع العجلة، وفيه ناس كانت بتشتغل قبل مننا بس الفكرة هيتعمل ازاى ويتصرف عليه إزاى؟.. إحنا معانا فلوس زيادة فبنعمل طرق؟.. إحنا عاملينها عشان المسابقات؟.. لا عشان ناخد مكانًا بين العالم المتقدم ولإعلان قدراتنا فى الاستثمار، وسمعنا كلام كتير خلال الـ 5 سنوات الماضية لكن عارفين إنه مع الوقت الناس هتعرف اللى بتيعمل هيودينا لفين، وسيعرفون إذا كان ما كان ذلك أو حاجة ضرورية لخلق فرص عمل لعدد سكان وصل لـ 100 مليون».

وأضاف: «نحتاج داخل المحافظات لعمل مسابقة للطرق ونأخد 3 أو 6 شهور ونشوف المحافظات هتساعد نفسها ازاى عشان يعرفوا إن مفيش حاجة بتتعمل كدا، وكل واحد يعرف هو فين من الطرق، ولو قصرنا.. إنتوا كمان هتقصروا مع محافظتكم؟».

لا توجد تعليقات على الخبر
اضف تعليق