جريمة في «سوق برقاش»: اعتداءات بالشوم والعصا على الجمال (صور)

 

تداول رواد موقع التواصل الاجتماعي، صورا من سوق «برقاش للجمال» في شمال الجيزة، تظهر أوضاعا مأساوية تعيشها الجمال، بعد تعرضها للتعذيب والاعتداءات بالشوم والعصا، من قبل بعض الأفراد.

 

 

وكتب أحد النشطاء يقول: «دا سوق برقاش للجمال هنا في مصر في الجيزة.. الجمال دي بتتعذب وتضرب و بيتجمع على جمل واحد ٦ أو ٧ أفراد يضربوه بكل قوتهم، الجمال وشهم مابيبطلش نزيف، صوت صراخهم ما بيوقفش لكن هناك ناس ما عندهاش إحساس كل واحد ماسك شومة وعصاية ويفقع عين عادي و يضرب في أماكن حساسة عادي».

 

 

ويقع سوق «برقاش» على مساحة 25 فدانا، وتتراص «الجمال» بجوار بعضها البعض في انتظار المشتري الذي يأخذها إلى مصيرها الجديد، إذ يعد السوق، أحد أكبر وأقدم سوق للجمال في الوطن العربي والعالم ويعود تاريخ نشأته إلى مئات السنين.

 

 

وأضاف: «الصور دي متصورة من هناك أي حد عايز يتأكد يقدر يروح و يشوف بنفسه، ركزوا في الصور الجمل اللي قاعد ع الأرض من كتر الرعب جاله إسهال شديد، جزء من الجمال دي بتروح للسياحة و بترجع السوق تاني يعني الناس دي بيتدفعلها فلوس كمان و جزء منهم بيروح للمدبح، يعني بيموتوا ألف مرة و دول كائنات صبورة و جميلة ماينفعش تتعامل بالطريقة دي».

 

 

وتابع: «المناظر دي يوميا من الساعة ٧ الصبح للساعة ٢ الظهر و مش ممكن يستمر على كدا، إحنا مجهزين قضية ضد سوق برقاش بس محتاجين اكبر عدد شير عشان تبقى قضية رأي عام ياريت تبلغوا أي حد يشوف البوست يعمل شير حتى لو مش مهتم بالحيوانات رغم إنها روح زينا بالظبط وأحسن مننا على الأقل يهتم بشكلنا قدام العالم».

 

 

يعمل السوق، الذي أنشئ لأول في مرة في منطقة إمبابة ثم تم نقله إلى منطقة البراجيل قبل أن ينقل إلى النهائي في قرية «برقاش» عام 1995، فقط أيام الجمعة والأحد من كل أسبوع، ويستقبل شهريا ما بين 10 آلاف إلى 12 ألف جمل، مستوردة من السودان بنسبة %90 والباقي من دول أخرى مثل الصومال وأثيوبيا والمغرب.