قصة اتهام زوج آية حجازي بالتحرش.. ثلاث فتيات يروين وقائع تورط محمد حسانين

الأربعاء، 15 يوليو 2020 03:00 م
قصة اتهام زوج آية حجازي بالتحرش.. ثلاث فتيات يروين وقائع تورط محمد حسانين
عنتر عبداللطيف

لازالت وقائع التحرش تشعل مواقع التواصل بعد أن أقدمت فتيات وسيدات على رواية قصص التحرش بهن، وهو ما يجد الكثير من التعاطف معهن.

آخر وقائع التحرش كان اتهام "محمد حسانين" زوج "آية حجازى" مؤسس "جمعية بلادي"، والذى كان قد سافر إلى أمريكا هو وزوجته عقب اتهامهما بـ"الاتجار في البشر واختطاف أطفال وهتك أعراضهم واستغلالهم جنسيا".

 "سارة قدرى" كتبت عبر " فيس بوك" شهادات ثلاث فتيات أكدن تحرش محمد حسانين بهن قائلة: "الحقوقي محمد حسانين مدير منظمة بلادي للحقوق والحريات، واللي ليها فروع في واشنطن ومصر وحاليا في تونس، وصلتني شهادات من ستات اتعرضت لتحرش وده حصل من خلال استخدام سلطته واستغلال علاقاته في أمريكا وتونس وتهديده ليهم بفصلهم من شغلهم.

الشهادات التلاتة اللي هكتبهم هما من ستات تواصلوا معايا علشان مرعوبين من تهديداته ليهم.الشهادات كالآتي؛الأولى: محمد حسانين طول الوقت بيطاردني وعايزني أنام معاه بالعافية وطول الوقت يقولي تعالي مراتي مسافرة.

الثانية: حسانين كان بيطلب مني اني اروح انام معاه و بيهددني لو منمتش معاه هيخلي أصحاب الشغل اللي انا فيه يطردوني وينشر صور خاصة بيا.

الثالثة: كنت معزومة عند حسانين في البيت وفجأة واحنا قاعدين قلع البنطلون وقعد يهددني عشان اعمله حاجات جنسية.

الرابعة: في مكالمة تليفون طويلة ما بيني وبين محمد حسانين هو اللي كان متصل بيا بحجة أنه مش فاهم ازاي اللي عمله شخص مغتصب ده يعتبر اغتصاب وفضل يستعبط علشان يجرني في تفاصيل جنسية معا رغم أن ديه كانت تاني مكالمة بس مابينا وكنا لسة عارفين بعض من أسابيع قليلة.

وأضافت "في المكالة فضل يبرر للشخص المغتصب وبعدين بدأ يجرني في الكلام لتفاصيل جنسية بحته واحنا مافيش ما بينا المساحة ديه. أنا قعدت كتير بكدب نفسي وأنه مش بيعمل كدة أكيد ولكنه استمر في الكلام من باب إنه بيستفسر ومش فاهم. بس في الأخر حسيت أنه بيجرني لمساحة مش مريحة ولا مقبولة بالنسبالي تمامًا".

وتابعت "وبعدين قفلت معاه وقطعت معاه علاقتي ولكن للأسف بينا مساحات عمل مشتركة وفي كل اجتماع يقولي يا حبيبتي ولما كنت بقفش عليه كان بيطلعني مجنونة ويخرب ويبوظ الشغل كله".

وأكملت روايتها قائلة "الهدف الأول من البوست هو التحذير لكل بنت أو ست علشان تاخد حذرها منه لأنه شخص منتشر جدًا في أوساط النشطاء والحقوقيين وكمان أي بنت أو ست تعرضت لأي انتهاك أو اعتداء منه وحابة تشارك شهاداتها مجهلة ياريت تبعتلي. والهدف التاني هو دعوة للتحقيق في الوقائع ديه مع الحفاظ على أمان وسرية الضحايا/الناجيات".

وأوضحت أن "اللافت أن آية حجازى زوجة محمد حسانين كتبت عبر فيس بوك:" يا بنات/سيدات ‫مشاركة من واحدة ثلاثينية، وأم:١-الـ pepper spray (رش الشطة) سلاح مهم في مواجهة متحرش الشارع. ويعني لو بيزعم إنه لبسك شجعه، الشطة في عينه هتردعه.‬ ٢- اتدربي على انك تقولي لا. دي مهمة لمواجهة المتحرش-المغتصب بالذات اللي تعرفيه: صديق، خطيب، أستاذ، مدير، دكتور، اخ كبير . اللي غالبا بيتجرأ مش عشانك أضعف جسديا، بل عشانك أضعف معنوياً. أو بيشوفك مدة. فحتى لو كان بايدك سلاح عارف انه مش هتتجرأي ترفعيه".

وقالت "‫بالعادة هو بيستغل نفوذه. أو-و سلطته عليكي كراجل. اكبر منك، دارس عنك، عنده خبرة. "بيحرجك". انت مكسوفة؟ انت لسة صغيرة؟ خايفة اني اقول. خايفة من ماما. (خايفة من ربنا). ده احنا زي المتجوزين. هزعل منك. هسيبك. مش مطلوب تعملي حاجة. او يبتزك عاطفيا. ابوه كان بيضربه. تم اعتقاله. مراته شريرة معذباه.‬ محسساه انه مرفوض. محتاجلك".

Capture\

 

وأضافت "فمابتبقيش عايزة. بس مابتقوليش لا. عشان عمرك ماقلت لا. عشانك بنت كويسة. والبنت الكويسة مابتقولش لا. قولي لا. اتدربي. حتى لو قدام المرايا. عشان موقف انت عايشة في دلوقتي. عشان موقف ممكن ياخدك على خوانة بعد سنين. قولي لا عشان ده جسمك. ملكك".‬

وتباعت "‫٣- للرجالة كمان (أباء عايزين يحموا أطفالهم أو قرايب): اوعوا تاتمنوا راجل (او ست غريبة) على طفلكم(ولد أو بنت) ١٠٠٪. خلوا دائما "حرص" ولو ١٪. فهموا اولادكم حدود جسمهم وحدود اللمس المسموح. من أول مايبقى عندهم وعي. بس مش بطريقة تخوف. خلوا قنوات الحوار مفتوحة دائما. اكدوا عليهم قولاً وفعلا انه ممكن يحكولكم. اوعوا تخذلوهم لو حكوا".

"رشا سلامة" قالت تعليقا على بوست " آية حجازى" آية حجازي ناشرة بوست طويل عريض عبارة عن كيفية مواجهة السيدات للمتحرشين، بالتزامن بالضبط مع اتهام 4 سيدات على الأقل لجوزها محمد حسانين إنه تحرش بهن".

 
Capture
 

 

 
مركز بلادى للحقوق والحريات أصدر بيانا بشأن واقعة اتهام "محمد حسانين" بالتحرش جاء فيه :" نظرا لما تم إثارته علي مواقع التواصل الاجتماعي من توجيه اتهامات بالتحرش الى المدير لأحد المشاريع بالمركز، وطبقا للسياسة الداخلية الخاصة بمركز بلادي بشأن الرفض التام للتحرش وحرصه على خلق بيئة آمنة للمرأة وطبقا لما ورد في لائحته الداخلية بشأن التعامل مع بلاغات التحرش فإن المركز قد اتخذ قرارا بوقفه عن العمل لحين إجراء تحقيق في الأمر المثار بشأنه"
 
تابع المركز:"وندعو أي من الناجيات التواصل معنا عبر البريد الالكتروني [email protected] مع تأكيدنا على السرية التامة لهويتهن , والمركز سيقوم بتشكيل لجنة للتحقيق في هذا الأمر و للناجيات كامل الحق في تفويض من يمثلهن في هذه اللجنة من خارج المركز للوقوف علي حقيقة الأمر والحصول على حقهن".
Capture

بيان مركز بلادى

إحدى رواد فيس بوك قالت:" قبل كده تحرش بصديقة لي وكان بيحاول يجررها لعلاقة جنسية ده ع شات أنا شوفته بعيني وماكنوش حتى أصدقاء ولا أي حاجة كانت تانى أو تالت محادثة بينهم عشان كان بيأخد منها تفاصيل عن معتقلين، البنت ماكنتش فاهمة ولا متخيلة إنه كده وكانت بتقولي ده يمكن منفتح زيادة قولت لها لا ده وسخ وكلامه كله تلميحات قذرة أو كانت بتقولي مش ممكن يكون كده، أنا وقتها قولت لها اقطعي معاه خالص وماترديش، بس قولتلها لو أنا مكانك هبعت الاسكرينات لمراته".

وكانت المحكمة قد قضت ببراءة ثمانية متهمين في قضية "جمعية بلادي" من تهم الاتجار في البشر واختطاف أطفال وهتك أعراضهم واستغلالهم جنسيا وإجبارهم على الاشتراك في تظاهرات ذات طابع سياسي.

وكان المتهمون، ومن بينهم الناشطة آية حجازي التي تحمل الجنسية الأمريكية، ألقي القبض عليهم في مايو 2014 وقالت النيابة في التحقيقات إن المتهمين قاموا بتكوين "عصابة منظمة لاستقطاب أطفال الشوارع والهاربين من سوء معاملة ذويهم، واحتجازهم داخل مقر كيان مخالف للقانون".

تبين أن جميعهم من أطفال الشوارع الهاربين من ذويهم منذ فترات مختلفة وكانوا يتخذون من الشوارع مأوى لهم وخاصة منطقة ميدان التحرير وغالبيتهم استقطبوا للالتحاق بتلك الجمعية بمعرفة أقرانهم وأقروا بتحريض المتهم الأول على إجبارهم على عدم العودة لذويهم تحسبًا لاستغلالهم مستقبلا في المظاهرات المناهضة للنظام".

وأضاف "باستكمال مناقشتهم أضافوا بسابقة مشاركتهم في أعمال التظاهر وإلقاء الحجارة على قوات الشرطة ... مقابل مبالغ مالية".

 

 

لا توجد تعليقات على الخبر
اضف تعليق


الأكثر قراءة