باحث مصرى للسيسى أنا عاوز أتكلم.. والرئيس: "إحنا عاملين المؤتمر عشانكم"

الإثنين، 06 نوفمبر 2017 12:37 م
باحث مصرى للسيسى أنا عاوز أتكلم.. والرئيس: "إحنا عاملين المؤتمر عشانكم"
السيسى
كتب إبراهيم سالم

طالب باحث مصرى مشارك بجلسة "اختلاف الحضارات والثقافات.. صدام أم تكامل"، الكلمة أمام الرئيس عبد الفتاح السيسى، قائلا: "أنا زويل التانى"، ما جعل الرئيس السيسى يستدعيه، قائلا "احنا عاملين الكلام ده كله علشان كل شباب مصر وشباب العالم يتكلموا.. وأنا هنا مش بتكلم فى الحب، لكن أنا عايز اقول لك إحنا بنعبر عن نفسنا وكل اللى بنتكلم به والطريقة اللى بنتكلم بها الناس بتشوفها وبتحكم علينا بها، وعشان كده بقولك تعالى وأقول اللى انت عايزه".

ومنح الرئيس الشاب الكلمة، فقال: "انا اسف.. بس أنا عالم مصرى وبقالى ثلاث سنوات من الكفاح شغال على مرض الفشل الكلوى، وعملنا الكلى الصناعية قابلة للزراعة فى جسم الإنسان بما يعنى إنه مش هيبقى فيه فشل كلوى تانى، والسبب فى ده إن والدى توفى منذ 3 سنين متأثرا بهذا المرض، وأنا أخذت هذا المرض عدو ليا، ودا كان أحد أسباب نجاحى أنا والمجموعة لنقدم علاج للفشل الكلوى".

وأضاف الباحث، "احنا شغلين وعايزين نوصل صوتنا.. وأنا بتكلم فى العلم وهو ثقافة حينما تنقل من دولة إلى أخرى للتعبير عن إن مصر بتوصل فى هذا المجال"، ثم قدم أسطوانة للرئيس السيسى تحتوى على دراسته فى مرض الفشل الكلوى.

 

 

لا توجد تعليقات على الخبر
اضف تعليق