الإخوان يفضحون أنفسهم وحدهم.. محادثة تكشف حجم التمويلات التي تلقتها الجماعة في تركيا (فيديو)

الأحد، 19 يناير 2020 01:00 م
الإخوان يفضحون أنفسهم وحدهم.. محادثة تكشف حجم التمويلات التي تلقتها الجماعة في تركيا (فيديو)
محمد على

لا تبحث عن فضائح الإخوان، فهم سيفضحون أنفسهم وحدهم، عادة ما يفعل رجال الإرهابية ذلك، وهو ما تكرر مؤخرا في محادثة دارت بين ياسر العمدة القيادى الإخوانى الهارب فى تركيا، والمقاول الهارب محمد على.

المحادثة تداولها رواد مواقع التواصل الاجتماعي عبر مقطع فيديو، نشره الهارب محمد علي، بعنوان: «حديثي مع أخويا وصاحبى ياسر العمدة.. ياسر بيقولى قنوات الإخوان فى تركيا بتتمول بمليون دولار شهريًا بإجمالى نصف مليار دولار»، تحدث فيها الطرفان عن الأوضاع فى مصر، وعن الدور الإخواني في تركيا، وتحريضهم على النظام المصري، ووضع قنوات الإرهابية.



وخلال المحادثة التي أثارت جدلا على مواقع التواصل الاجتماعي، قال ياسر العمدة: إن قنوات الإخوان (الشرق، مكملين، الوطن) بياخدوا كل شهر مليون دولار.. الإخوان اتمولوا خلال الخمس سنوات بنصف مليار جنيه فى إسطنبول، قادمة من قطر. 

ياسر اعترف خلال محادثته بحصوله على الجنسية التركية منذ شهر، مضيفًا: «في تركيا إخوان وسلفيين وليبراليين ومستقلين، هنا الإخوان انقسموا لـ4 مجموعات بقيادات مختلفة كل واحد فيهم بيحاول يضرب التانى عشان يفوز بأكبر دعم وتمويل»، ليرد عليه محمد علي: «عندك إيه يثبت إن الجماعة اللي في تركيا حرامية وبتوع فلوس وخلاص».

«اللي بيجيب الشنطة كل شهر اسمه عبد الرحمن أبو دية، فلسطيني الأصل معاه الجنسية الإنجليزية، وشهرته أبو عامر، دي معلومة على الماشي، فيه غيرها كتير بس مش وقته يا صاحبى»، يكمل ياسر العمدة: «أنا مش هسيب اللى ساعدوا النظام يعمل فينا كده عشان سبوبتهم تستمر على حساب بلد كاملة، مش هنسى أنى لما اعتقلت زوجتي واعتصمت أمام القنصلية موقفش معايا عشرة من كل الكلاب دول».

وتابع: في الآخر يطلع واحد فلوس التمويل لسه فى جيبه وفى حسابه بالبنك ويقول إنى بتمول، أنا شايل ومحمل وفاضلى تكة وانفجر فى وشهم وساكت بس عشان مديش حد فرصة يفرح فينا، وبالرغم من أنى دعيتهم يطلعوا عشان بناتهم المعتقلة مش عشان مراتى والحمد لله أنا طلعت راجل وخلصت مراتى وهما هيفضلوا زى الحريم».

وتابع العمدة البالغ من العمر 47 عامًا: أنا قعدت فى 2016 على طرابيزة واحدة مع الإخوان والسلفيين واللبراليين و6 أبريل وحزب الوسط والاشتراكيين الثوريين وتيار الأمة واتفقنا وساعة الجد محدش نزل فمتديهمش "الإخوان" أكبر من حجمهم، كما نصح المقاول بالابتعاد عن إخوان تركيا: «بتوع سبوبة وخدوا نص مليار دولار تمويلات ومقدروش يحركوا شعرة، وكمان أيمن نور بيعمل حركات ومش تمام هو ورجالته قنوات الإخوان فى تركيا بتتمول بمليون دولار شهريًا».


وزارة الداخلية أكدت فى بيان سابق، أن القيادى الإخواني الهارب ياسر العمدة متهم بتأسيس كيان «اللهم ثورة» بهدف استغلال ذكرى ثورة 25 يناير للقيام بأعمال تخريبية ونشر الفوضى فى البلاد.

العمدة من إحدى العائلات الكبرى فى الفيوم، والده كان عضوًا بمجلس الشعب لمدة تقارب الـ18 عامًا. وعمِل "العمدة" موظفًا فى النقابة العامة للعاملين بالزراعة والرى بالفيوم، قبل أن يهرب إلى تركيا عقب فض اعتصام رابعة، ظهر كثيرا في قناتي «رابعة والشرق»,

 

 
لا توجد تعليقات على الخبر
اضف تعليق