الحلقة 18 من مسلسل "اللي مالوش كبير".. طلاق غزل من عابد والقبض عليه بـ"كيس بودرة"

شهدت أحداث الحلقة الثامنة عشر من مسلسل " اللي مالوش كبير" المذاع يوميا علي قناة " سي. بي. سي" في تمام الساعة التاسعة مساء تفاصيل مثيرة وبدأت بلقاء جمع بين الخديوي وشخص من العرب يدعي الدكتور يتاجر في السلاح ولكن يبلغه أنه لم يبيع للارهابين والمخربين ليطلب منه الخديوي مساعدته علي عابد تيمور باعتباره تاجر سلاح، ليرد الدكتور قائلا:" أنا مستحيل ادمر شغلي مع عابد تيمور أنا الوصلة بين شغل عابد اللي بيجي من برا وبوزعه علي كل الموجودين في مصر ويبلغه ان عابد في الخارج و مدخل بضاعة كبيرة قوي وأكبر صفقة في حياته عرفك خط سير العربيات اللي بتنقل السلاح هعرفك مواعيدها وبعد ما يعدي من النقطة بتاعتي واللي بعدها حط أيدك علي البضاعة وأطلب منه اللي أنت عايزة هينفذه لأنها أكبر صفقة في حياته وعدم توصيلها لأصحابها هيدمر سمعته".

حرصت قدرية علي مقابلة رفعت الذهبي للاطمئنان منه علي وضعها بعد القبض علي زغروطة بتهمة الاعتداء علي مفاتن وعدم الحديث عنها بانها المحرضة في الضرب، وفي المقابل التقي عماد " شقيق غزل" بنادين لاتفاق علي كيفية مساعدتها في تأمين نفسها من عابد تيمور خاصة انه لا يمنحها اموال كافية ليكشف لها عن تجارة عابد في السلاح بدأ الخديوي التخطيط مع رجاله لتنفيذ كيفية السيطرة علي بضاعة عابد تيمور من السلاح ليطالب أحد رجال الخديوي السيطرة علي البضاعة بدلا من تسلميها لعابد مرة أخري ليبلغه بأن البضاعة هترجع علشان ليها اصحابها وأحنا هنعمل اللقطة وناخد مصلحتنا ونرجعها ويقوم رجاله الخديوي بالسيطرة علي خمس عربيات محملة بالسلاح ملك عابد تيمور، وبعد اتصال الخديوي وعدم رده في تصرف مفاجئ قام سيف الخديوي وغزل بزيارة عابد تيمور في الفندق ليقول لهم إيه دا أنتوا اتجوزتوا ليبدأ الخديوي في تهديده بزيارته لروما ويبلغه أن السلاح أصبح تحت سيطرته والبضاعة دي ليها سكتين ياتروح لصاحبها اللي مستنيها يا تنساها ليرد عابد البضاعة دي لو اتمست هتروح انت واهلك وناسك في داهية ليطلب منه طلاق غزل مقابل البضاعة وليوافق عابد علي الطلاق ويبلغه الخديوي بمكان المأذون ونص ساعة وتكون هناك.

بدأ أحد رجال الخديوي التخطيط للاستيلاء علي عربيتين من السلاح ويهربوا بيها ويصرفوا البضاعة ويتصل بمينا للاطمئنان علي البضاعة والرجالة ليبلغه أن الدنيا مش أمان، وتنتهي أحداث الحلقة بوصول سيف الخديوي وغزل ورجال عابد تيمور لمكان المأذون المتفق عليه ويطلب منه عابد الاتصال برجالته لترك البضاعة بعد الطلاق، وبعد دقائق يتلقي مينا اتصال من الخديوي بترك البضاعة، ويقول عابد لغزل بكرة زي دلوقتي هتعرفي انك ارتكبتي اكبر خطأ في حياتك لان المأساة الحقيقة هتبدأ من دلوقتي لترد عليه اي حاجة هتحصل في حياتي اهون من أني أكون معاك ويهدده الخديوي أن الضرب بعد كدا مش في الشغل هيكون في المليان ليحضر الضابط محمود الرحاوي ويقوم بتفتيش سيارة الخديوي وشنطة غزل ليجد كيس بودرة في حقيبتها.

 

 

 

 

View this post on Instagram

 

 

 

 

 

 

 

 

 

 

 

A post shared by CBC Egypt (@cbcegypt)